Takimi virtual i Palmer me Metën, Bashën dhe Ramën/ Ambasada e SHBA zbardh detaje

6 Prill 2021, 18:24, Politikë CNA

Ambasada e SHBA në Tiranë ka reaguar për ?takimin virtual? të zv.ndihmës sekretarit të SHBA, Matthew Palmer, me presidentin Meta, kryeministrin Edi Rama dhe kryetarin e PD-së Basha.

Ambasada deklaron se takimi ka pasur si qëllim konfirmimin e rëndësisë së marrëdhënieve SHBA-Shqipëri, ndërsa festojmë 30-vjetorin e rivendosjes së marrëdhënieve diplomatike.

Bëhet me dije se ata rikonfirmuan përkushtimin për të zgjeruar bashkëpunimin dypalësh në fushën e demokracisë, mbrojtjes dhe biznesit.

Gjithashtu Ambasada tregon se Palmer bisedoi me ta për Reformën në Drejtësi, zgjedhjet e 25 prillit dhe stërvitjen ushtarake Defender 21.

?Me secilin prej udhëheqësve, Zv.Ndihmës Sekretari Palmer theksoi rëndësinë e roleve të tyre përkatëse, përfshirë edhe rolet institucionale të Presidencës dhe Kryeministrisë ashtu siç përcaktohen në Kushtetutë. Institucionet dhe udhëheqësit politikë mbartin përgjegjësinë për t?u siguruar që zgjedhjet e ardhshme të jenë të lira dhe të ndershme, me rregulla që janë të paanshme, transparente dhe në kohë. Zv.Ndihmës Sekretari Palmer gjithashtu përforcoi mbështetjen e Shteteve të Bashkuara të Amerikës për zbatimin e reformës në drejtësi, duke vërejtur përparimin domethënës që është bërë gjatë vitit të fundit.

Gjatë një tryeze të rrumbullakët me përfaqësues nga institucionet e drejtësisë, shoqëria civile dhe media, ai i nxiti këta “Kampionë të Reformës në Drejtësi” në përpjekjet e tyre, në mënyrë që populli shqiptar të ketë drejtësi të vërtetë. Në fund, Zv. Ndihmës Sekretari Palmer theksoi rëndësinë strategjike të stërvitjes ushtarake Defender 21, e cila do të jetë stërvitja më e madhe ushtarake shumëpalëshe që zhvillohet në Ballkanin Perëndimor. Zv.Ndihmës Sekretari Palmer dhe zyrtarë të tjerë amerikanë presin me kënaqësi që të rifillojnë vizitat fizikisht sapo rrethanat t?i lejojnë ato?, thuhet në deklaratën e Ambasadës amerikane./ CNA.al