Nëntë muaj pas skandalit/ Noterja falsifikatore e Ben Blushit vijon lirisht detyrën

6 Prill 2021, 17:08, Politikë CNA

CNA.al, ka raportuar një seri shkrimesh, me dokumenta dhe fakte se si ish deputeti Ben Blushi, sot i kthyer në pronar mediatik dhe ortak me inceneratorët bëri vajzën e tij pronare të një biznesi në Korçë duke i falsifikuar firmën.

Por kush është noterja që fshihet pas këtij skandali dhe që sot duhet të ishte para togave të drejtësisë?

Bëhet fjalë për Violeta Sulkaj, e cila është kapur në falsifikim, duke bërë një kontratë shitje në emër të Natali Blushit, e cila nuk ndodhej në Shqipëri, në momentin që është firmosur kontrata.

Noterja Violeta Sulkaj në 28 dhe në 29 maj 2015 ka përpiluar dhe firmosur dy kontrata, në emër të Natali Blushit, ndërsa kjo e fundit ndodhej në Londër (vërtetuar kjo dhe nga të dhënat e sistemit TIMS), asokohe vetëm 20 vjeç.

Firma e Natali Blushit, e cila gjendet në kontratën e shitjes së objektit prej 133.8 metër katëror dhe në kontratën e shit-blerjes së garazhit 60 m2 në funksion të njësisë tregtare, nuk ishte e njëjta me atë që duket në firmën e hedhur nga Natali Blushi, në deklaratën e pasurisë të zotit Blushi, në vitin 2015.

Kështu, noterja në fjalë ka shkelur hapur ligjin duke falsifikuar ose duke noterizuar një dokument dhe sipas kodit Penal, neni 186, rrezikonte deri në shtatë vite burg .

CNA.al, iu drejtua dhe Ministrisë së Drejtësisë asokohe për këtë skandal. Ndërsa pritej të fillonte hetimi administrativ ndaj noteres, Etlida Gjonaj në vend që të zbatonte ligjin, bëri avokatinë e noteres të kapur në falsifikim.

Sot, rreth nëntë muaj pas bërjes publike të këtij skandali, noterja e cila jo vetëm duhet të ishte shkarkuar dhe duhet të kishte dalë para drejtësisë tashmë, vazhdon lirisht detyrën, ndërsa Ministria e Drejtësisë bën sikur nuk shikon dhe nuk ka ndodhur asgjë./CAN.al

Fotot/ Zbulohet prona 500 milionë e Ben Blushit

Flasin banorët e Dardhës/ Ben Blushi po na vjedh dhe shkatërron shtëpitë

Ekskluzive-Skandali me falsifikimin/ Kallëzohet penalisht vajza e Ben Blushit dhe noterja Violeta Sulkaj

Fotot/ Zbulohet prona 500 milionë e Ben Blushit

Dosja e Blushit në SPAK/ Skandali me pronat në Tiranë dhe Korçë

Zbulohen avokatët publikë të ish-trafikantit të drogës

Flasin banorët e Dardhës/ Ben Blushi po na vjedh dhe shkatërron shtëpitë

Skandali me noteren falsifikatore/ Kush e bleu heshtjen e Etilda Gjonajt dhe sa ka kushtuar