Lulzim Basha po kërkon alibinë e humbjes

6 Prill 2021, 12:27, Politikë CNA

Lulzim Basha po kërkon alibinë e humbjes

Kreu i ?Republikës se re? Lulzim Basha, duket se është në panik për zgjedhjet e 25 Prillit.

Ai ka nisur një lojë me qëllim që në fund të ketë me çfarë të justifikohet apo të ketë një alibi në rast humbjeje.

Loja ka nisur me kallëzimet e njëpasnjëshme të zyrtarëve të PD, në Strukturën e Posaçme Antikorrupsion, për blerje dhe pazare votash.

Me 6 Janar 2021, Partia Demokratike kallëzoi në SPAK, drejtuesit më të lartë të Partisë Socialiste, duke nisur nga kryeministri Edi Rama, disa ministra, deputetë, kryebashkiakë dhe drejtorë.

Në kallëzimin e firmosur nga Sekretari i Përgjithshëm i PD, Gazment Bardhi, janë 16 persona që janë kallëzuar, se po përdorin funksionin publik për interes elektoral.

Në muajin Shkurt të këtij viti, po Sekretari i Përgjithshëm i PD, Gazment Bardhi ka depozituar një padi në SPAK, për krim elektoral.

Denocime në SPAK, ka bërë edhe eksperti i çështjeve zgjedhore për Partinë Demokratike Ivi Kaso, pas sipas tij ka raste të panumërta të shit-blerjes së votës, kryesisht në Tiranë.

Pra, kanë qenë denoncime të shumta, për shit-blerje votash apo siç quhen ndryshe krime elektorale.

Por, ana tjetër e medaljes është për këto denoncime nuk ka asnjë fakt dhe as një provë, as për zyrtarë të pushtetit qendror dhe vendorë, për të cilët pretendohet se kanë shkelur ligjin zgjedhor dhe as për eksponentë të ndryshëm që po blejnë vota.

Pse nuk kallëzohen me emra në SPAK, këta që po blejnë vota?

Vetëm nëse po blen Ilir Meta vota dhe duan që të mbulojnë Presidentin për t?ja faturuar PS, kjo është diçka tjetër.

Por, deri më tani nuk ka asnjë rast të kapur, të vërtetuar apo denoncuar për blerje votash.

Denoncimet e zyrtarve të PD në SPAK dhe deklaratatat e atyre që po flasin blerje votash, janë as më shumë e as më pak, një skenar i qartë i Lulzim Bashës, i cili po kërkon alibinë e humbjes.

Fakti, se po vazhdojnë investimet nuk përbën shkelje ligji.

Opozita nuk mund të ngelet në gjurmët e deklarimeve bosh dhe të ngrejë si papagalli akuza pa pasur të vërteta.

Është e turpshme kjo, për një opozitë me rreth 415 mijë vota në 2017, e cila nuk arriti të provojë një manipulim vote apo një blerje vote.

Ky është paralajmërimi i humbjes. Lulzim Basha po aktron dhe po përgatitet për humbjen me gjithë Ilir Metën në krah që e ka aleat me LSI-në, duke thënë se po blihen vota dhe ne kemi bërë denoncime./CNA.al