web counter
LEXO PA REKLAMA!

SHKARKO APP

App Store
Google Play

“Të mbyllen doganat sa të shiten prodhimet”/ Rama: E dhimbshme që ka njerëz që u besojnë

6 Prill 2021, 09:29, Politikë CNA

Kryeministri Edi Rama ka qenë sot në Bilisht ku ka takuar nga afër qytetarët.

Rama u ndal edhe tek një premtim i kandidatit për deputet i PD-së në Qarkun Korçë, Edmond Spaho për mbylljen e doganave në mënyrë që të shitet prodhimi vendas. Sipas Ramës është e dhimbshme të mendosh që ka njerëz që u besojnë këtyre.

“Ai premtimi i Edmond Spahos është një tjetër arsye pse këta duhen refuzuar. Si mund të premtojë ai që ‘të mbyllim në doganën sa të shishni ju prodhimet’. Një tallje, një fyerje për inteligjencën e njerëzve. Apo ta hajë kush ta hajë sapunin për djath. Ku jemi këtu? Ne mes të luftës, kur vendet e tjera pritet të mbyllen serish në vijmë të infektojmë njëri-tjetrin. Këta shfrytëzojnë edhe mërzitjen e njerëzve. Çdo shqiptar që është i mërzitur sot ka të drejtë. Dhe ne jemi këtu për t’i dhënë më shumë. Dhe si i jepet më shumë me Saliun dhe Ilirin apo me punë? Është e dhimbshme të mendosh që ka njerëz që u besojnë këtyre. Më 25 prill as nuk diskutohet kush fiton si parti por problemi është si fitohen luftërat”, tha Rama./CNA.al





Lajmet e fundit nga