web counter
LEXO PA REKLAMA!

SHKARKO APP

App Store
Google Play

Kur i bënte mortin politik Lulzim Bashës/ Dyfytyrësia e Agron Gjekmarkajt

6 Prill 2021, 07:07, Politikë CNA

Agron Gjekmarkaj pas zgjedhjeve të vitit 2017, u shndërrua në një nga zërat më kritikë kundër kreut të PD Lulzim Basha.

Në media u fol, se rebelimi akuzues i Gjekmarkajt erdhi, pasi ai nuk u përfshi në listat e kandidatëve për deputet.

Në këtë mënyrë i ashtuquajturi analist, i zemëruar për karrigen e deputetit, vijoi sulmin ndaj Lulzim Bashës me një seri shkrimesh-opinionesh dhe analiza në të përditshmen ?Panorama?.

Pasi e kryqëzoi për listat, duke i quajtur të flliqura, Gjekmarkaj shprehej, se Lulzim Bashës i është fryrë delli ballkanas i kapjes mbas karriges dhe pushtetit me çdo kusht.

?Ai habiti gjithkënd që i thotë bukës bukë dhe ujit ujë me qëndresën që po i bën dorëheqjes. Relativisht i ri, 43 vjeç i shkolluar mirë në Holandë, vend ku tërmete kësisoj të fshijnë përjetësisht nga politika, Lulzim Bashës në ballë i është fryrë delli ballkanas i kapjes mbas karriges dhe pushtetit me çdo kusht?, shkruante në një nga opinionet e tij Gjekmarkaj.

Sipas tij, Basha duhej të dorëhiqej kokulur e me një mijë ndjesa dhe të hynte në garë i dorëhequr, në mos të strukej për disa kohë në pritje të moteve më të mira.

?Pas këtij morti politik, një garë e lirë, e ndershme, me kohën e nevojshme, me një platformë konkrete ringritjeje, çliruar nga të gjitha hijet e një procesi të manipuluar do të ishte i vetmi balsam për shpirtrat e tranuar të mijëra demokratëve?, shkruante më tej Gjekmarkaj.

Njëherësh ai këmbëngulte në shkrimet e tij, se PD-së nuk i nevojitej thjesht një kryetar i ri, por një identitet i ri, për t?i mbijetuar kohës.

Tashmë kur është përfshirë në lista për deputet, Gjekmarkaj i ka tërhequr pas të gjitha kritikat dhe akuzat ndaj Lulzim Bashës.

Duke vërtetuar kështu, se lëpirja për karrige, është më e fortë se e vërteta./CNA.al





Lajmet e fundit nga