Gjyqi me Becchettin/ Ish-ministri i Ramës thirrje SPAK-ut

6 Prill 2021, 09:13, Politikë CNA

Ish-ministri i Drejtësisë në qeverinë ?Rama 2?, Ylli Manjani, ka reaguar në lidhje me humbjen e gjyqit përfundimtar të Shqipërisë me biznesmenin Francesco Becchetti.

Ai shprehet se kjo çështje është evidente dhe nuk ka nevojë të lidhet me politikën sepse kjo e fundit është e akuzuar.

?Edhe njëherë, nuk shpresoj e as dua të shpresoj që çështja “Becchetti” të jetë pjesë e reagimeve politike. Aq më pak e lidhur me zgjedhjet politike.
E refuzoj logjiken që “kur të vijmë në pushtet, do dënojmë njerëz”! Njësoj siç refuzoj logjiken që ” jam në pushtet dhe fus në burg kë të dua”!!! Këtë logjike përdorin autokratët dhe diktatorët.

Kjo është një çështje evidente që s?ka hiç nevojë për politikën, sepse kjo e fundit është e AKUZUAR!? u shpreh Manjani.

Më tej ai i bën thirrje SPAK që të bëjë detyrën për të cilën u krijua me një konsensus politik. Ai shprehet se ambasadorja e Shteteve të Bashkuara të Amerikës Yuri Kim nuk po reagon për këtë çështje.

?Nga sa kemi parë e lexuar publikisht, indicet janë të plota për SPAK që të fillojë menjëherë një hetim të plotë. Kush urdhëroi mbylljen e televizionit Agon Channel? Për ç’motive u bë? Kush kontaktoi pronarin e televizionit?! Përse duhet të takonte Enkel Jotin? Ç ?rol kishin Sekretari i Përgjithshëm i Këshillit të Ministrave dhe Kryetari i Bashkisë Tiranë në këtë çështje?!

Këto pyetje dhe të tjera duan përgjigje që të kuptohet vendimi i Arbitrazhit dhe të përcaktohet përgjegjësia individuale.

Nuk ka nevojë as për kallëzime e as për ligje të tjera. Mjafton SPAK të bëjë detyrën për të cilën u krijua me konsensus politik.
Ndaj nuk ka përse të lidhet as me kallëzimet, as me zgjedhjet e as me instrumente të tjera legjislative të pushtetit politik (kushdo qoftë).

SPAK u themelua për këtë rast. Për të ndërhyrë tek jakat e bardha në nivel të lartë. Për të ndërhyrë kur ata janë ende në detyra publike. Kur bien SPAK nuk na duhet, sepse me të rënë nga fiku “trimërohet” kushdo prokuror i zakonshëm. SPAK, i posaçmi pra, duhet për rrethana të tilla të posaçme.

Besoj me këtë logjike është dakord kushdo. Është dakord edhe zonja Kim, e cila s?po flet për raste të tilla.?, shkruan Manjani./CNA.al