web counter
LEXO PA REKLAMA!

SHKARKO APP

App Store
Google Play

Palmer thirrje për kandidatë të besueshëm/ Reagon Duka: Mesazhi i tyre i qartë, alternativa e opozitës është...

6 Prill 2021, 18:11, Politikë CNA

Kadidati i partisë Demokratike në Durrës, Agron Duka nëpërmjet një postimi në rrjetet sociale ka reaguar lidhur me dekalratën e Palmer për standarte të larta dhe besueshmëri të proçesit dhe rezultatit zgjedhor.

Duka shprehet se Reforma në Drejtësi është me rëndësi dhe opozita ka dhënë mbështetjen e saj ndërsa shton se përshëndet qëndrimet e e zv.ndihmës-sekretarit të shtetit të SHBA-ve.

Postimi i plotë i Agron Dukës:

“SHBA kërkon zgjedhje të lira dhe të ndershme”

Si Kryetar i PAA dhe pjesë të koalicionit “Aleanca për Ndryshim” në zgjedhjet e 25 Prillit, vlerësojmë qëndrimin e zv.ndihmës-sekretarit të shtetit z. Palmer, që pas bisedimeve me krerë të shtetit dhe politikës, kërkon standarte të larta zgjedhore, besueshmëri të proçesit dhe rezultatit zgjedhor.

Amerikanët janë të qartë dhe mesazhi i tyre është bindës dhe inkurajues, për të pasur përfaqësim dinjitoz dhe të pastër.

Është me rëndësi reforma në drejtësi dhe opozita ka dhënë mbështetjen e saj.

Alternativa e opozitës është ndëshkimi i korrupsionit dhe ribërja e institucioneve.

Ne përshëndesim këtë qëndrim që na jep garanci, për mosprekjen e proçesit nga elementë të korruptuar dhe inkriminuar, duke i bërë në standartet demokratike siç aleatët tanë kërkojnë.

Shqipëria më 25 Prill, do të japë dëshmi se është një partner i denjë për mikun tonë strategjik SHBA./CNA.al





Lajmet e fundit nga