E fundit!

09:42 Aktualitet

“Jam i kërcënuar me jetë, si unë dhe familja ime”/ Flet ish i dënuari, akuza oficerit të policisë gjyqësore

Besmir Gjezari sot ka përfituar lirinë falë projektligjit ...

“Një grusht njerëzish duan të mbajnë peng vendin”/ Basha: Rama merret me mua sa piper i hedh gjellës vetëm që...

6 Prill 2021, 20:28, Politikë CNA

Kryetari i Partisë Demokratike Lulzim Basha, deklaroi se tashmë shqiptarët e kanë marrë vendimin për 25 prillin dhe ky do të jetë ndryshimi, kundrejt një grushti njerëzish që duan ta mbajnë Shqipërinë të pashpresë.

I pyetuar nga gazetari Lutfi Dervishi në emisionin ?Përballë?, se kush do t?i fitojë zgjedhjet e 25 prillit, Basha u shpreh se e kanë në dorë qytarët ose të dëbojnë një grusht njerëzish që do të mbajë peng vendin edhe 4 vite të tjera ose të votojë për ndryshimin.

?Zgjedhjet e 25 prillit i takojnë shqiptarëve. Ka një grusht që duan ta mbajnë Shqipërinë kështu siç është, ku është të varfër, të pashpresë, të lodhur, të pavendosur, plot dyshime dhe gati për tu larguar nga vendi, siç tregojnë sondazhet 70 shqiptarë po t?ju jepet mundësia e lënë Shqipërinë. 95 në 100 studentë jashtë nuk duan të kthehen në Shqipëri. Kjo është status cuo-ja që ju leverdis një grupi njerëzish, të cilët sot e konsiderojnë veten e tyre zot të gjithçkaje, të naftës, të bregdetit, të buxhetit, të tenderëve, të tokave, të pyjeve, të kullotave, të gjuetisë, të peshkut, të mishit, të eksportit, të importit.

Pra një grusht njerëzish, një pakicë absolute kërcënon se do të marrë peng edhe katër vjet të tjera Shqipërinë dhe simbol i kësaj është një njeri që katër vite me radhë ka patur pushtet më shumë se çdokush në këto 30 vite, madje se çdokush që në kohen e Enver Hoxha dhe sot nuk ka një bilanc për të dalë para shqiptarëve. Bredh nga jugu në veri, merret gjithë ditën me opozitën, merret me programin tonë, merret me mua personalisht, çfarë kam veshur, si jam veshur, sa piper i hedh gjellës vetëm e vetëm mos t?i japi përgjigje të vetmes pyetje që duhet t?i jepte përgjigje pas 8 vjetësh kryeministër?, u shpreh ai.

Kryedemokrati iu drejtua Ramës duke i kërkuar llogari për tetë vitet në qeverisje, i cili premtoi shëndetësi falas dhe 300 vende pune.

?Çfarë bëre me programet, me planet dhe me premtimet e tua? Ku i ke 300 mijë vendet e punës? Ku e ke shëndetësinë falas? Ta zbuloi pandemia se në çfarë gjendje është. Ku e ke uljen e taksave për 97% të shqiptarëve? Dhe shumë e shumë premtime të tjera se nuk kam ndër mend të zgjatem. Për ta kolauduar, është fare e qartë se zgjedhjet janë të shqiptarëve dhe zgjidhjet do të jenë për shqiptarët.

Zgjedhja është fare e qartë, të qëndrojmë edhe 4 vite kështu siç jemi, që është fatale për ne, është fatale për rrugëtimin tonë drejt Europës që në fakt është garancia e vetme për një stabilitet ekonomik, financiar dhe demokratik të vendit dhe të familjeve shqiptare. Dhe rruga e vetme për të ndryshuar është largimi i Edi Ramës. Nuk mund të ndryshojë Shqipëria dhe këtë e di tashmë edhe kupola më e lartë socialiste. Pa u larguar Edi Rama nuk ka dhe nuk mund të ketë as idenë më të vogël që do të ndryshojë diçka, gjërat do të mbeten siç janë dhe do të shkojnë më keq për shqiptarët?, theksoi Basha./ CNA.al