“Fletët e votimit do të numërohen dy herë”/ Celibashi flet për zgjedhjet e 25 prillit, ja sa vota i duhen një deputeti për të fituar

6 Prill 2021, 20:53, Politikë CNA

Komisioneri Shtetëror i Zgjedhjeve, Ilirjan Celibashi foli për numërimin e fletëve të votimit, për të cilën tha se do të numërohen 2 herë, njëherë për partinë dhe njëherë për kandidatin.

Në një intervistë për Opinion, Celibashi deklaroi se numërimi i votave mund të kryet brenda dy ditëve.

I pyetur se sa vota i duhen një kadidati për të dalë fitues, Celibashi thotë se një deputet duhet të marri 10 mijë e 1 vota nëse dhe partia e tij ka marrë aq dhe se zëvendëson atë deputet në listë që është votuar më pak

Pjesë nga dialogu:

Celibashi: Bëhet vlerësimi i votave për partinë politike.

Fevziu: A domethënë në fillim numërohen sa vota kanë partitë politike, pastaj bëhet ndarja e votave të partive sipas kandidatëve ?

Celibashi: Pasi ke nxjerrë rezultatit për partitë duke i numëruar fletët e votimit, kemi nxjerrë rezultatin e partisë politike, mbaron numërimi i të gjitha fletëve të votimit për partitë politike në një qark, i mbyllim fletët e votimit në kuti dhe pastaj i rihapim përsëri për të numëruar po të njëjtën fletë votimi por tani për të parë se cilat janë votat që kanë marrë çdo njëri prej kandidatëve.

Fevziu: Pra numërimi i vetëm i votave i partisë do të marri një kohë jo të vogël apo jo?

Celibashi: Do të jetë pak a shumë e njëjta kohë si në zgjedhjet e kaluara.

Fevziu: 5-6, 4 ose 3 ditë?

Celibashi: Normalisht, mund të përmbyllet edhe brenda 2 ditëve.

Fevziu: Ne kemi parë edhe 9 ditë numërim!

Celibashi: Ka shkuar por nuk do të shkojë.

Fevziu: Sa vota duhet të marrë një kandidatë që të dali mbi partinë, pra që të mund të rindryshojë numrin e tij në listë?

Celibashi: Ai duhet të marri një votë më shumë se mesatarja e votave që ka marrë ajo parti.

Fevziu: Përshembull, nëse në Tiranë një deputeti i duhen 10 mijë vota, për një parti politike, ai duhet të marrë 10 mijë e një që të lëvizë nga lista?

Celibashi: Ta themi kështu nëse numri mesatar i votave që një parti politike apo koalicion ka marrë është 10 mijë, që t’i të kualifikohesh edhe pse je i 36, nëse ti merr 10 mijë vota plus një dhe nëse kjo parti ka marrë 15 mandate, ti sposton nga këta 15 atë të cilin ka marrë më pak vota.

Fevziu: Po nëqoftë se këta të 15 të parët nuk kanë marrë asnjë votë sepse është votuar për partinë, ti i sposton të 15-të?

Celibashi: Jo, nëse nga 1 deri në 15 nuk ka marrë asnjë votë, pra secili prej tyre ka marrë zero, ti sposton të 15-in./CNA.al