Basha, fushatë romantike ndaj Ramës/ Gjekmarkaj: “Në lista persona të familjes dhe biznesmenë”

7 Prill 2021, 07:16, Politikë CNA

Kandidati për deputet i PD në Lezhë, Agron Gjekmarkaj, akuzonte kreun e PD, Lulzim Basha për shkatërrim të Partisë Demokratike.

Por, kjo ndodhte para se atë kandidonte për deputet, në kohën kur Gjekmarkaj, injorohej nga Basha.

Janë dhjetra shkrime, të Gjekmarkajt, ku në shënjestër ka qenë Lulzim Basha, por pa anashkaluar ish-kryeministrin Sali Berisha.

?Sali Berisha për 13 vjet e mbajti PD-në, në pushtet dhe për 10 vjet të tjera u soll si shtet më vete pa e negociuar kurrë pozicionin e vet diktues.

I bëri shumë të mira madhore Shqipërisë, sigurisht edhe dëme nga ato që nuk dalin dot kujtese, sa do që t?i shtysh. Më i fundit po fillojmë të dyshojmë se është dhurimi i trashëgimisë L. Bashës. Ai i thau të gjitha bimët përreth ?lules? sa të shkëlqente veç ajo, si ?manushaqja? e Naim Frashërit?, shkruan në një nga opinionet e tij Agron Gjekmarkaj.

Sipas të njëjtit PD e udhëhequr nga Basha ka shënuar risi të plotë, por me nota negative.

?Kësaj radhe PD-ja e Bashës ka shënuar risi të plotë. Ajo, në asgjë nuk përputhet me historinë e vet tradicionale, madje as me veset, ndonëse s?kemi të bëjmë as me inovacion apo modernizim, por thjesht me ndërrim letrash në hipotekë, si për të përvetësuar një pronë?, shkruante më tej Gjekmarkaj.

Ky i fundit, pikë të dobët ka pasur edhe listat për deputetë, në të cilat nuk arriti të përfshihej në vitin 2017.

Madje, dyshohet se ishin listat shkak që Gjekmarkaj ?shpërtheu?, në akuza dhe sharje ndaj Lulzim Bashës.

?Listat për të cilat u tha, se dhanë kontribut, veç Bashës, edhe persona të familjes, biznesmenë etj, fushata romantike ndaj Ramës e mbi të gjitha, menaxhimi i humbjes, shfaqen para nesh një Lulzim Bashë të panjohur më parë, një tjetër që na nuk dihet kë bën me faj, ne që nuk e njohëm, apo atë që aktroi kaq bukur duke alternuar zotin Xhek dhe doktor Haidin?, shkruante më tej Gjekmarkaj në një nga opinionet e tij.

Sot, Gjekmarkaj i ka përtypur, akuzat, ironitë dhe thumbat ndaj Lulzim Bashës, pasi mund ta ëmbëlsojë karrigia e deputetit, nëse do të arrijë ta marrë. /CNA.al