web counter
LEXO PA REKLAMA!

SHKARKO APP

App Store
Google Play

E fundit!

x

Homazhet për Nëntetaren/ Shefi i Shtabit: Nderove familjen me jetën tënde. Lamtumirë Zarife!

10 Maj 2019, 10:28, Aktualitet CNA

Shefi i Shtabit të Përgjithshëm të Forcave të Armatosura, Bardhyl Kollçaku ka folur me hidhërim të thellë në ceremoninë e varrimit të nëntetares Zarife Hasanaj, e cila u vra në Letoni nga shpërthimi i një mine.

Ceremonia u zhvillua në Pallatin e Kongreseve dhe të pranishëm ishin shumë figura publike, mes tyre Kryeministri Edi Rama dhe ministrja e mbrojtjes, Olta Xhaçka.

“Dëshmorët shkojnë në vendin e shenjtë, aty ku prehen të pavdekshmit. Detyra e Zarifes ishte një detyrë për njerëz trima dhe të guximshëm. Zarifja u nda nga njerëzit e saj më të dashur.

Zarife e shtrenjtë!

Kanë ardhur të të përcjellin shokët dhe shoqet e tua, kolegët. Ka ardhur të të nderoj familja jote, që ti e nderove me jetën tënde. Janë këtu forcat e NATO-s , ata janë këtu me zemër, shpirt e mendje përmes shumë ngushëllimeve të ndjera.

Kollçaku  iu drejtua ecdhe familjarëve të Zarifes duke thënë se “jeni pjesë e familjes së madhe ushtarake, gëzimet dhe hidhërimit i kemi bashkë. Humbëm një ushtare fisnike, Zarifja do të na mungojë!”tha Shefi i Shtabit.

“Ne do të vazhdojmë të jemi në vijën e parë të aleancës, siç na e ka lënë amanet Zarifja, tha ndër të tjera, Kollçaku , Lamtumirë Zarifja jonë!”





Lajmet e fundit nga