E fundit!

14:34 Aktualitet

Kërcënim për sigurinë kombëtare/ Ikballe Berisha shpallet “non grata” në Shqipëri

Ministri i Brendshëm Besfort Lamallari ka nxjerrë urdhrin ...

Hipokrizia e Bashës ndaj Sokol Olldashit/ Si po e përdor djalin e tij

10 Maj 2019, 10:17, Aktualitet CNA

Mediat pranë PD-së dhe Lulzim Bashës, në këto kohë të të vështira, disa herë janë përpjekur të përdorin djalin e Sokol Olldashit dhe gruan e tij, duke treguar se ata mbështesin Bashën.

Këtu nuk ka asnjë çudi dhe lajm, pasi ata janë demokratë, dhe natyrisht do të jenë me PD-në.

Por, përmendja e Sokol Olldashit nga ana e Lulzim Bashës, tani që ai nuk është më, është një përdorim i shëmtuar i emrit të njeriut që në të gjallë, ai e pati armik dhe e luftoi egërsisht jo vetëm atë, por edhe bashkëpunëtorët e tij.

Aq sa tani, ata që njiheshin si ?njerëzit? e Olldashit, nuk janë më pjesë e PD-së, nga frika e Lulzim Bashës se mos ata i bënin ndonjë ?puç?.

Ndërsa ka pritur disa studentë sot, Lulzim Basha ka nënvizuar faktin se në takim ishte edhe djali i Sokol Olldashit, të cilin e konsideron mik.

?Në këtë sallë ndodhen studentë që janë ngritur në një betejë të pashembullt, prej më shumë se një dekade në Europë. Studentë të Universiteteve Shpatarë të mbështetur nga miq e shokë të tyre, studentë që studiojnë jashtë shteti, njëri prej tyre Glauk Olldashi, që kam kënaqësinë e veçantë ta përshëndes, t?i uroj mirëseardhjen në këtë bashkëbisedim.

Merita e tij është që në ditën e parë ka qenë krah studentëve shqiptarë në betejën për arsimin e lartë të standardeve euroipiane.,

Por natyrisht nderon trashëgiminë e babait të tij, ish kryetarit të Forumit Rinor të Partisë Demokratike, një miku dhe bashkëpunëtorin timin, një nga liderët e PD ndarë nga jeta tragjikisht para disa vitesh, z.Sokol Olldashi?, tha Basha, që ashtu si Berisha, në të gjallë çfarë nuk iu bën kundërshtarëve, ndërsa kur nuk janë më, i ngre në piedestal për ti vlerësuar.

Tani Sokol Olldashi i duhet si mik e bashkëpunëtor, për të treguar se ka mbështetjen e PD-së së vjetër.

Paçka se kur ishte gjallë, i vodhi votat në garën e tyre për kreun e PD-së dhe nisi një ?gjueti shtrigash? ndaj tij dhe bashkëpunëtorëve të vet.(TemA)