Bindja Demokratike “ndez motorët” për zgjedhjet/ Andi Përmeti paralajmëron surpriza

10 Maj 2019, 08:14, Aktualitet CNA

Forca e re politike në vend, ?Bindja Demokratike?, duket se po bën të gjitha përgatitjet për të zhvilluar një garë dinjitoze në zgjedhjet për pushtetin vendor.

Deputeti i Partisë Bindja Demokratike, Andi Përmeti ka paralajmëruar lista e kandidatëve të ?Bindjes? për kryebashkiakë dhe këshilltarë do të jetë suprizues dhe po i tillë, sipas tij, do të jetë edhe rezultati.

?Lista e përfaqësuesve të Bindja Demokratike do jetë surprizuese për të gjithë. Për emrat duhet të prisni ditën e hënë. Ne jemi një parti e re dhe zgjedhjet e afërta janë zgjedhje lokale, pra secili kandidat në zonën e tij do ofrojë platformën e tij për zonën konkrete ku do kandidojë. Objektivat tona janë që të marrim një rezultat shumë të mirë, një rezultat suprizues dhe jam i bindur që do t?ia arrijmë-u shpreh deputeti Përmeti.

I pyetur rreth akuzave të ndërsjella mes opozitës joparlamentare dhe shumicës për ?implikim? në krijimin e Bindjes Demokratike, në një intervistë për Shqiptarja.com, Andi Përmeti tha se krijimi i kaq shumë aludimeve në vetëm dy javë tregon frikën estabilishmentit të vjetër politik.

?Fakti i kaq shumë aludimeve për një parti të re e cila ka vetëm 2 javë që është krijuar është një lajm i mirë sepse qartazi tregon frikën e estabilishmentit të vjetër politik të cilët janë mësuar dhe ndihen rehat me njëri-tjetrin kundërshtar. Bindja Demokratike lindi nga njerëz të lirë, njerëz që duan t?i japin një ofertë të re dhe të ndryshme Shqipërisë, njerëz që kanë qenë dhe janë në betejë të hapur me qeverinë Rama dhe kërkojnë vetëm të provohen me votë për ofertën e tyre.?-tha Andi Përmeti.

Duke u ndalur tek organizimi i partisë, Përmeti pohoi se momentalisht organizimi në bazë po bëhet me grupe nismëtare, të cilët kanë qenë nismëtarë për krijimin e Partisë Bindja Demokratike, ndërsa shtoi se organizimi në detaje i strukturave do të bëhet pas zgjedhjeve lokale.

?Momentalisht organizimi në bazë po bëhet me grupe nismëtare, grupe të cilët kanë qenë nismëtarë për krijimin e Partisë Bindja Demokratike, por fokusi kryesor momental janë zgjedhjet lokale, organizimi në detaj i strukturës do të ndodhë mbas zgjedhjeve lokale.?-deklaroi Përmeti.

Sa i takon reformës zgjedhore, deputeti Përmeti tha se është për një reformim tërësor të sistemit zgjedhor dhe i të gjithë sistemit politik.

?Themeli i qëndrimit tim në parlament dhe i gjithë Partisë Bindja Demokratike është reformimi tërësor i sistemit zgjedhor dhe rrjedhimisht i gjithë sistemit politik. Ky është një sistem i cili prodhon kryetarë partish me fuqi të pakufizuar dhe rrjedhimisht edhe kryeministër që ka çdo fuqi në dorën e tij, prandaj ky sistem duhet rrëzuar një orë e më parë.?-u shpreh Andi Përmeti.