web counter
LEXO PA REKLAMA!

SHKARKO APP

App Store
Google Play

Dita Ndërkombëtare e Drejtësisë/ Imeraj: Ka ende nevojë për përmirësim

10 Maj 2019, 08:43, Aktualitet CNA

Prokuroria e Tiranës ka zhvilluar sot aktivitetin “Me dyer të hapura” në kuadër të Ditës Kombëtare të Drejtësisë.

Drejtuesja e Prokurorisë së Tiranës Elizabeta Imeraj ka folur lidhur me sistemin e drejtësisë dhe vështirësitë që hasin çdo ditë prokurorët për shkak të ngarkesës së madhe.

Të pranishëm në këtë aktivitet kanë qenë përfaqësuesja e OPDAT dhe prokurori i Antimafias.

Kryeprokurorja e Tiranës u ka bërë thirrje studentëve të Drejtësisë që të bëhen prokurorë, pasi nevoja për ta është e madhe.

Imeraj tha se “shqiptarët mund të bëjnë gjëra të mira, kemi njerëz të mirë që duan të punojnë dhe në fund të ditës bëjnë një përmbledhje të ndërgjegjësuar të punës.”

“Të kuptojnë shkakun dhe arsyen për të cilën prokuroria e Tiranës sjell në vemëndje ditën e drejtësisë në këtë format. Gjej arsye t?ju falënderoj për të qenë pranë prokurorisë, për të qenë në kontakt me ne, dhe për të patur mundësi që përmes bashkëbisedimit të sheshoni ndonjë pyetje. Kur flasim për ditën e drejtësisë, duhet të kthehemi pas në kohë, në 1912 kur njerëz e shtetit tonë arritën, patën mundësi u munduan e krijuan shtet. Ky është një element i rëndësishëm sidomos në ditët e sotme, ne mund të bëjmë gjëra të mira, kemi njerëz të zgjuar që duan të punojnë, e në fund të ditës bëjnë edhe një analizë,”-tha Imeraj në fjalën e saj.

Ajo ka shtuar se “janë mbi 70 prokurorë që mundohen e përpiqen me gjithë ngarkesën e madhë t?ju presin e të realizojnë funksionin e tyre kryesor: Hetimi i të gjitha veprave penale”.

Imeraj tha kështu se Prokuroria ka ende nevojë për përmirësim pasi ngarkesa në këtë institucionin është e madhe.

 





Lajmet e fundit nga