web counter
LEXO PA REKLAMA!

SHKARKO APP

App Store
Google Play

E fundit!

x

Video-Shoqërimi në polici i kreut të PD/ Publikohen detajet tronditëse, ja çfarë fshehu policia

21 Korrik 2018, 14:45, Aktualitet CNA

Deputeti i Partisë Demokratike, Luçiano Boçi ka reaguar pas videos së publikuar ku kryetari i degës së PD, në Gramsh ofendon dhe kërcënon policët.

Në një postim në faqen e tij në rrjetet sociale, ai publikon një tjetër video nga ngjarja, që pretendon se është e plota dhe ku sipas tij efektivët e provokuan Elmaz Harunin.

Ndër të tjera ai thekson se ?Terror policor i hapur në mes të qytetit dhe lincim publik vetëm se është kryetari i PD dëshmojnë të kundërtën e servirjes së sforcuar.?

Postimi i plotë:

Ajo që u fsheh e nuk u transmetua nga policia në ngjarjen e Gramshit është më e madhe se pjesa e propagandës së shpifur të demonstrimit të disa sharjeve.
E vërteta është krejt ndryshe!
Terror policor i hapur në mes të qytetit dhe lincim publik vetëm se është kryetari i PD dëshmojnë të kundërtën e servirjes së sforcuar.
Elmasi u provokua deri në kufijtë e së pamundurês, me forca e britma policore të shumta, kur ishte thjesht dhe vetëm një pasagjer. Kushdo do kishte kundërshtuar këtë maskaradë politiko-policore.
Ishte në rrugën e tij dhe në jetën e tij.
U rrethua, u dhunua, u bllokua në makinën e tij e më pas e morën zvarrë, (sic e sëshmon video) pa asnjë shkak nga policia politike dhe reagoi.
Manipulimet që serviren me fragmente që i interesojnë policisë, nuk e mbulojnë faktin e përdorimit të saj politik si mashë për të luftuar kundërshtarët politikë me cdo mjet e për të favorizuar Yaristët, kanabistët, trafikantët e kriminelët me e pa kostume rrezëllitse.
Shihni pamjet me vëmendje e gjykoni.





Lajmet e fundit nga