LEXO PA REKLAMA!

SHKARKO APP

Pengmarrësit e Qeverisë/ Basha zbulon emrat

29 Prill 2018, 10:21, Aktualitet CNA

Kreu i PD-së, Lulzim Basha, gjatë fjalimit të tij prej më shumë se një ore në Kuvendin Kombëtar të PD ?së, ka thënë se Qeveria është marrë peng.

Basha ka shkuar më tej duke zbuluar emrat që sipas tij janë turpi i socialistëve.

Saimir Tahiri, Ilir Beqja, Damian Gjiknuri, ErionVeliajn, Vangjush Dako dhe Qazim  Sejdini,  janë të etiketuarir e Bashës si pengemarrës të Qeverisë.

?Simbolet e kësaj qeverisje janë turpi i socialistëve dhe pengu që i mban ata të kapur dhe të nënshtruar nga krimi dhe droga. Saimir Tahiri është simboli dhe thelbi i këtyre 5 viteve, dëshmia tronditëse e dy standarteve të shtetit të Edi Rames. Tahiri është i lirë, edhe pse është ministri i brendshëm më i implikuar në krim në gjithë historinë e Europës. i provuar me dëshmi e me fakte nga antimafia italiane?, ka thënë Basha.

Sipas tij mijëra shqiptarë janë në burg ose para drejtësisë për shkelje që i kanë kryer nga halli, nga mbijetesa, për dritat, për ujin.

?Ashtu si Tahiri mban peng Ramën, Rama po mban peng Shqipërinë dhe të ardhmen e saj europiane. Nuk ka zyrtar europian që nuk e di se ministri i brendshëm i la makinën personale bandës së krimit, se ai ishte padrinoja e trafikut ndërkombëtar të drogës, se ky trafik bëhej nën mbrojtjen e tij dhe të Kryeministit?, ka thënë më tej Basha.

Sipas tij, simboli tjetër i kësaj qeverisje është Ilir Beqaj, një njeri që është fiksuar në kujtesën e shqiptarëve si i pari mes hajdutëve qeveritarë, i cili kreu krimin më të madh në shëndetësi, duke ia kaluar paratë e shqiptarëve, taksat tona, donatores së partisë socialiste me koncesionin famëkeq të check up-it.  Dhe  qindra milionë euro të tjera me koncesionet e radhës.

?Pengmarrësit e kësaj qeverisje janë Gjiknuri që bashkë me aferat qindra milionëshe të energjisë dhe naftës është kapur në bashkëpunim flagrant me narkotrafikantët për vjedhjen e votave dhe tjetërsimin e rezultatit zgjedhor. Është  Veliaj që me skemën mafioze të Sharrës mori jetën e Ardit Gjoklajt, bleu prokurorinë dhe tani e ka shndërrurar Tiranën në lavatricen gjigante të pastrimit të parave të pista.

Është Dako i bandave të Durrësit, simboli i kryebashkiakut mafioz që po rrënon qytetin dhe qytetarët e Durrësit për të mbushur xhepat e tij, të banditëve me të cilët vjedh vota dhe natyrisht të Edi Ramës. Ështe Qazim Sejdini që me bandat e tij të heroinës terrorizon qytetarët dhe sulmon policinë.

Pengmarrësit e socialistëve janë Balilajt dhe Habilajt, janë oligarkët dhe klientët e Edi Ramës, janë makutët dhe kriminelët që rrëmbejnë cdo ditë pasuritë e thelat e mëdha të buxhetit të shtetit?, ka thënë ndër të tjera Basha./CNA.al

 

 

Lajmet e fundit nga