web counter
LEXO PA REKLAMA!

SHKARKO APP

App Store
Google Play

Ku i merr vendimet e rëndësishme kryeministri Rama?/ Zbulohet vendi

29 Prill 2018, 10:10, Aktualitet CNA

Kreu i PD -së Lulzim Basha gjatë fjalës së tij në Kuvendit Kombëtar të Partisë Demokratike, ka thënë se Rama ka instaluar nja qeveri private.

Kryeopozitari  ka folur për darka luksoze e argëtime të mbrapshta, që sipas tij është vendi ku i merr vendimet kryeministri Edi Rama.

Sipas të njëjtit është Rama që vendos se çfarë është provë dhe çfarë nuk është prove dhe është ai që vendos se kush duhet të arrestohet dhe kush jo.

?Është ai që vendos se kush duhet të dënohet dhe kush jo. Nuk është kuvendi, nuk është qeveria, nuk janë institucionet shtetërore që bëjnë politika dhe vendosin politikat e vendit. Është Edi Rama me një grusht klientësh, dhe në ortakëri me krimin. Sot në Shqipëri nuk ka më procese institucionale. Nuk ka më proces politike. Vendimet më të rëndësishme të vendit për politikën, për ekonominë, për të ardhmen e vendit merren në dreka dhe darka private, në lokale luksoze mes alkolit dhe argëtimit të mbrapshtë?, ka thënë ndrë të tjera Basha.

Sipas tij, kuksianët që ngritën zërin kundër dhunës së qeverisë për mbijetesën e fëmijëve të tyre u rrëmbyen natën nga shtëpitë e tyre dhe sot 4 prej tyre akoma mbahen në burg si kriminelë të rrezikshëm.

Dritan Zagani që mbrojti shtetin dhe popullin e tij, që u përball me krimin, që ngriti zërin kundër një qeverie që tradhtoi interesat e popullit të saj u rrëmbye natën vonë nga shtëpia e tij u mbajt në burg dhe sot është i mërguar, i përndjekur nga qeveria që duhet ta mbronte. Kurse Saimir Tahiri, dora e djathtë e Edi Ramës dhe dora mbrojtëse e trafikut të drogës dhe e krimit, i cili e ktheu policinë në organizatë kriminale, sot ka lirinë dhe privilegjet e deputetit. Sepse në këtë regjim edhe drejtësia është Edi Rama?, ka thënë  Basha./CNA.al

 





Lajmet e fundit nga