"Na nxori kunata nga shtëpia"/ Zbardhet dëshmia e çiftit që kërcënojnë me vetëvrasje

28 Prill 2018, 20:22, Aktualitet CNA

Një çift janë ngjitur në një vinç në lartësinë 30 metra, prej nga ku kërcënojnë se do të hidhen, në rrugën e ?Kosovarëve?, Tiranë.

Nga të dhënat e para bëhet e ditur se çifti ka probleme pronësie, çka mund të jetë bërë shkak për ndërmarrjen e këtij veprimi.

Teksa policia është duke negociuar me çiftin Ferdinand dhe Teuta Saraçi, për zbritjen nga vinçi, ku kanë hipur prej orës 20:45 minuta, është zbardhur dëshmia e Teutës, nga ?Shqiptarja.com?.

Problemi im është se është e dyta herë që kam hipur në vinç, mua më është plotësuar vetëm njëra kërkesë. Teuta Saraçi, ish e persekutuar, më persekuton kunata ime Alba Saraçi dhe më ka nxjerrë nga shtëpia. Ajo ka bërë një urdhër mbrojtje për burrin tim.

Por unë nuk kam mundësi që ta mbaj atë me bukë. Unë kam njoftuar të plotfuqishmin e zonës në Kombinat por ai se ka vënë ujin në zjarr. Por vetëm ka mbajtur krahun e Alba Saraçit, e cila më dhunon fëmijët prej 4 vitesh, të gjitha këto janë të regjistruara, policia hesht dhe mban krahun e Albës dhe të babait të saj.

Para 4 ditësh kemi debatuar se unë plaçkat e shtëpisë i kam blerë me kredi bankare dhe ajo donte të më hidhte plaçkat jashtë shtëpisë dhe ajo shkoi në polici dhe i dhanë urdhër mbrojtje. Nuk kam besim tek asnjëri sepse asnjë nuk e ndihmoi familjen time. Asnjë nuk ka bërë asgjë, bashkia s?ka bërë asgjë, s?ka ardhur asnjëherë, kemi 1 vit pa drita, sepse ajo Alba kishte një konsum të lartë dhe iku për në Itali dhe i la pa paguar.

Ju mund të merrni në dëshmi edhe fëmijët nëse në gënjejmë, janë të vërtëta. Ata na duan neve të vdekur, ato kërkojnë lekë me dhunë. Shteti jo vetëm që nuk më ndihmon por më torturon akoma. Shteti i jep të drejtë një mostre, një krimineli që torturon 2 fëmijë të vegjël. Lindita Nikolla duhet të bëhet mbretëreshë e këtij vendi, sepse ishte e vetmja që më ka ndihmuar. Shteti i dha të drejtë një krimineleje, unë prej 4 ditësh jam rrugëve, fle në lulishte.

Në vendin e ngjarjes kanë shkuar dhe zjarrëfikset e ambulance, me qëllim shmangien e për shmangien e incidenteve. /CNA.al