E fundit!

17:34 Politikë

Rama pret në takim Presidentin e Lituanisë/ Zbardhen diskutimet

Kryeministri Edi Rama ka pritur ditën e sotme në një takim...

Skandal/ Në Maternitetin e Elbasanit, foshnja kushton 300 deri 500 euro

28 Prill 2018, 19:48, Aktualitet CNA

Nga IRMA ZABZUNI

Një hije skandali ka përfshirë javët e fundit Maternitetin e Elbasanit, mjekë dhe pjesë të caktuara të stafit. Akuza dhe denoncime nga gra shtatzëna dhe të afërmit e tyre, shigjetohen drejt mjekëve dhe infermiereve që përdoren si ?kodoshe? për ti zhvatur paratë hallexhinjve.

Por më skandaloz mbetet fakti, kur plasin sherret dhe debatet që degradojnë me fyerje dhe akuza mes mjekësh dhe infermieresh për të ndarë paratë ose ?viktimat? e tyre. Anisa Cerova mjeke prej 2 vitesh në Maternitetin e Elbasanit dhe Teuta Kadaifxhiu e dalë në pension, por që vazhdon edhe sot atje shefe pavioni, apo ndaj mjekut Arben Paralloi, dhe disa të tjerë janë ndër të akuzuarit e pacienteve dhe të afërmve të tyre.

?Foshnja në Maternitetin e Elbasanit kushton 300 deri 500 euro? shprehen për CNA (CityNews Albania)? disa të afërm të një gruaje e cila ishte lënë plot 2 orë me dhimbje dhe hemoragji pa u kapur me dorë nga mjekët, të cilët donin paratë, ta fusnin në sallë. Skandale dhe akuza të tilla që akuzojnë dy mjeket e Maternitetit të Elbasanit, ka pothuajse çdo ditë, por duket se gjithçka ka mbetur në dorën e ?partisë? e cila thuhet se i ka militantet e veta.

Korrupsioni është kthyer në sistem në spitalet dhe ambulancat e çdo qyteti të vendit, dhe jo vetëm në Elbasan. Mungesa e profesionalizmit është gërshetuar me harbutërinë e mjekëve për ti zhvatur hallexhiut edhe qindarkën e fundit. Fëlliqësia e mjekëve dhe infermiereve ka arritur deri aty sa, tu kontrollojnë xhepat dhe çantat në dhoma dhe korridore, pacienteve dhe të afërmve të tyre, duke mos patur as etikën dhe as humanizmin njerëzor, për vetëm babëzinë për të mbushur xhepat me para të pista.

Dhjetëra e qindra denoncime dhe akuza mbërrijnë çdo ditë në Krimin Ekonomik të Policisë Elbasanit, por duket se gjithçka mbetet në kufinjtë e ?hetimeve dhe gjurmimeve? kur ujkun e kanë tek dera dhe sallat e Maternitetit. Një tjetër problem shqetësues mbetet mungesa e aftësive të mjekëve të rinj por edhe atyre me disa vite punë në Maternitetin e Elbasanit. Pavarësisht se është munduar të fshihen rastet delikate dhe ato me humbje jete, duket se mjekët e paaftë dhe të korruptuar kanë arritur që përmes militantizmit dhe parave, të blejnë edhe organet kompetente siç është Mjeksia Ligjore.

Kjo e fundit në disa raste nuk ka dhënë drejtësi për viktimën por për mjekun dhe mjeken e paaftë dhe të korruptuar, që për gabime të qëllimta dhe jo ?njerëzore?, u ka marrë jetën nënës dhe foshnjës. Ministria e Shëndetësisë, duhet të ndalet në Maternitetin e Elbasanit, dhe jo vetëm atje, sepse pazaret me jetën e nënës dhe foshnjës, ka qenë dhe mbetet jo vetëm shkelja më e rëndë ligjore, por edhe antihumanizmi më flagrant që meriton ndëshkim shembullor.

Ministria e Shëndetësisë, duhet të nisë testimin profesional të mjekëve, të atyre që sapo dalin nga fakultetet (pasi dihet se si merren provimet me 200 euro atje) por edhe atyre që kanë vite që punojnë, dhe që profesionin nuk kanë arritur ta zotërojnë dhe ushtrojnë asnjë ditë të vetme.