KSSH ngre alarmin/ Inspektoriati Shtetëror i Punës, çerdhe militantësh

28 Prill 2018, 18:36, Aktualitet CNA

Në Ditën Botërore të Shëndetit dhe Sigurisë në Punë, Konfederata e Sindikatave të Shqipërisë ka ngritur alarmin.

Në një deklaratë për mediat, KSSH i bën thirrje kryeministrit Rama që përpara se tju tregojë se tu tregojë biznesmenëve të huaj përralla se këtu nuk ka sindikata, ti tregojë atyre të vërtetën që këtu shteti nuk është i zoti të mbrojë të drejtat themelore të qytetarëve të tij e lëre pastaj pasuritë e biznesmenëve të huaj.

Në deklaratë gjithashtu thuhet se Industria, Arsimi, Shëndetësia, Ndertimi, Bujqesia, etj., vijojnë të përballën me problem serioze përsa i përket kushteve të sigurisë teknike në punë.

Sipas KSSH, Inspektoriati Shtetëror i Punës është kthyer në një çerdhe militantësh dhe qokash dhe për pasojë një vatër korrupsioni, pasojat e së cilës janë të rënda.

Deklarata e plotë:

Në kuadër të 28 prillit Ditës Botërore të Shëndetit dhe Sigurisë në Punë Konfederata e Sindikatave të Shqipërisë shpreh shqetësimin se vendi ynë përballet me problem serioze në këtë drejtim.
Përfitoj nga rasti ti kujtoj kryeministrit Rama se përpara se tu tregojë biznesmenëve të huaj përralla se këtu nuk ka sindikata, ti tregojë atyre të vërtetën që këtu shteti nuk është i zoti të mbrojë të drejtat themelore të qytetarëve të tij e lëre pastaj pasuritë e biznesmenëve të huaj.
Industria, Arsimi, Shëndetësia, Ndertimi, Bujqesia, etj., vijojnë të përballën me problem serioze përsa i përket kushteve të sigurisë teknike në punë. Inspektoriati Shtetëror i Punës është kthyer në një çerdhe militantësh dhe qokash dhe për pasojë një vatër korrupsioni, pasojat e së cilës janë të rënda.
Mjafton një kafë për inspektorin dhe për shefin e çdo problem zgjidhet. E njëjta panoramë është në shumicën e institucioneve publike, duke nisur nga ato qëndore deri tek ato lokale, të cilat në mënyre direkte apo indirekte ushtronjë një presion dhe dhunë psikologjike ndaj të punësuarve, duke rënduar ndjeshëm stresin dhe gjendjen e tyre shpirtërore.
Pak ditë më parë për shkak të mungesës së kushteve të sigurisë teknike në punë 2 minatorë kanë ndërruar jetë brenda 48 orëve në qarkun e Dibrës dhe instancat shtetërore heshtin pasi pronarët e minierave që i kanë kthyer në galeri vdekje mbrohen nga deputetet e Kuvendit të Shqipërisë. Çdo ditë në minierat e vendit ndodhin incidenti për shkak të mungesës së kushteve të sigurisë teknike dhe përgjegjësinë gjithmonë e marrin viktimat.
Konfederata e Sindikatave i bën thirrje qeverisë të kthejë sytë nga minatorët dhe të punojmë për të parandaluar humbjen e jetëve e jo vetëm të mbajë statistika. Kujtoj dhe kërkoj me insistim që statusi i minatorit, i cili ende nuk është miratuar, të miratohet sa më shpejt.
Biznesi fason vijon të mbetet një njollë e zezë sa i përket mosplotësimit të kushteve të sigurisë teknike në punë. Janë të pafundme rastet e abuzimit me orarin, pagat e ulëta, nuk respektohet paga minimale, nuk u paguhen sigurimet, të dielën mbahen në punë, nuk kryhen vizitat mjeksore periodike dhe punojnë në kushte të kufizuara ajrimi dhe ndricimi.
LSI në pushtet ishte promotorja më e madhe e biznesit fason edhe sot që është në opozitë ka zgjedhur të heshtë për problemet në këtë sektor, që ka qindra të punësuar.
Më problemin e mospagesës së siguracioneve përballen edhe ata punonjës që punojnë në call -center. Pronaret e këtyre kompanive shpesh herë janë aventurier që shkelin mbi djersën e të rinjve shqiptar, teksa krahu i tyre i punës është i lirë në raport me vendet e rajonit.
Arsimi në vendin tonë sot është në ditët më të vështira, roli i drejtuesve të arsimit në rrethe është barazuar me teserën e partisë. Mësuesve i kërkohet ryshfet për një vend pune dhe nuk u firmoset kontrata kolektive me KSSH-në për ti mbajtur nën presion. Transporti i mësuesve dhe nxënësve vijon në informalitet të plotë, kryesisht në zonat malore dhe rurale, ku mjetet e transportit nuk plotësojnë asnjë kusht të sigurisë teknike. Nuk kanë munguar edhe incidentet. Siguria në shkolla është në nivelet minimale, rojeve dhe Sanitareve nuk u paguhen sigurimet. Kjo është shkelje flagrante e ligjit.
Ndërtimi Sektori i ndërtimit përballet me probleme te theksuara sa i përket kushteve të sigurisë teknike ne punë. Kompanitë që ndërtojnë pallate, hec-e rruge nuk kanë shlyer detyrimet ndaj punëtoreve, nuk paguajnë sigurimet e në shumë raste kushtet e sigurisë teknike janë minimale. Jeta e punonjësve është e shfaqur ndaj rriskut të lartë për humbje jete.
Policia Në emër të Konfederatës së Sindikatave i bëj apel ministrit të Brendshëm Fatmir Xhafaj dhe Qeverisë Shqiptare, që procesi i vettingut në polici të zgjatet e tu jepet efektivëve më shumë kohë, pasi ligji i miratuar ishte i nxituar në përcaktimin e afateve kohore për vetëdeklarim dhe grumbullim të dhënash. Mundësisht duhet thjeshtuar formulari duke iu dhënë mundësi reale për grumbullimin e informacionit personal, në menyrë korrekte dhe të mundshme praktikisht për cdo punonjës policie.