E fundit!

09:44 Politikë

Vrasja e efektivit në Maliq/ Rama: Nderime përjetë dëshmorit, ndëshkim maksimal për autorin

Kryeministri Edi Rama ka reaguar pak minuta më parë lidhur...

Basha kthen Kuvendin Statutor në miting salle

29 Prill 2018, 09:50, Aktualitet CNA

Lulzim Basha sot ka thirrur Kuvendin Kombëtar të Partisë Demokratike, i cili është hapi i tij i fundit që çon këtë forcë politike drejtë një ndarjeje, dobësimi dhe një rruge rrudhosjeje pa ndalim.

Kuvendi ka filluar, por nga një Kuvend statutor po kthehet në miting i Lulëzim Bashës, për të shpallur fitoren e tij brenda partisë dhe për të siguruar se PD-ja, sipas Lulit është gati që ta pranojë atë si Kryetar të përjetshëm, jo një kryetar me mandat dhe që largohet kur humbet zgjedhjet, ashtu siç ndodhi me Bashën më 25 qershor. Në fakt sot nga një Kuvend statutor ku duhet të kishte debate për pikat e statutit ku të diskutohej fort për kushtetutën e Partisë Demokratike, lehtësisht të gjithë ata që e shohin e kuptojnë që Lulzim Basha po bën teatrin e qejfit të vet dhe e ka kthyer Kuvendin Kombëtar në një miting elektoral të mbyllur në një sallë.

I dëshpëruar dhe i dështuar pa asnjë alternativë zgjidhjeje, Basha nuk del në shesh edhe nuk proteston kundër Ramës, por futet në një sallë në emër të gjoja një Kuvendi të cilin e kthen në miting elektoral.

Flasin të përndjekurit, flasin përfaqësues nga Kukësi, flasin emra të spikatur të politikës të PD-së, si të ishin në një shesh ku po flisnin kundër Ramës. Askush ende dhe me sa duket nuk do të ndodhë fare, nuk ka folur dhe nuk ka diskutuar për problemet që ka Partia Demokratike. Faktin që ajo është drejtë një ndarje pa kthim, faktin që Lulzim Basha ka humbur turpësisht zgjedhjet dhe pikërisht këtu duhet të fillonte Kuvendi Kombëtar i PD-së.

Nga humbja dhe analiza e humbjes së zgjedhjeve të vitit 2017, për të shkuar më pas tek analiza e një marrëveshje e kriminale mes Lulzim Bashës dhe Edi Ramën, për të shkuar më tej tek listat e deputetëve të Lulzim Bashës, për të shkuar më tej tek shpartallimi në bazë i strukturave PD-së dhe për t’u ndalur thelbësisht në fund se çfarë duhet bërë me të. Çfarë duhet bërë për të ecur përpara si duhet bashkuar Partia Demokratike, për të rikthyer shpresën dhe më tej një mbështetje popullore më pas për të siguruar rikthimin në pushtet. Askush nuk po e bën këtë dhe mesa duket askush nuk ka ndërmend ta bëjë.

Partia Demokratike sot fatkeqësisht po zhvillon një miting e mbyllur në sallë siç nuk ka ndodhur kurrë më parë. Nuk po bën në një Kuvend Statutor, nuk po bën një Kuvend Zgjedhor, por një grup me njerëz shumë prej tyre pjesë e administratës të kompanive të kunatit, disa përfaqësues nga call center, disa përfaqësues të LSI-së, anëtarësi e thjeshtë kanë mbushur një sallë duke e kthen atë në një miting të vogël, me shpresën se Lulzim Basha nga kjo do fitojë dhe do të ketë më shumë mbështetje.

Në fakt kjo e sotmja është teatri i radhës për t’i bërë qejfin Luli vetes dhe asgjë më shumë sesa kaq. Turpësisht për herë të arë në historinë e PD-së një Kuvend qoftë ky edhe statutor i padëgjuar më parë si shpikje e Bashës. Sot na sjell një miting në një sallë të mbyllur që edhe vetë Lulit i bën veçse nderin e fundit. I jep kënaqësinë e të zgërdhihet më pak, por shumë afër janë zgjedhjet dhe gjykimi merret atje.

Ky Kuvend sot po tregon se jemi përpara dështimit më të madh në të gjithë historinë e Partisë Demokratike, dështim i shkruar dhe faturuar nga Lulzim Basha. /CNA.al