E fundit!

17:51 Aktualitet

Helmimi i studentëve/ SORI-AL: Asnjë konfirmim nga institucionet, kush mban përgjegjësi për dëmin ndaj biznesit

Kompania SORI-AL përmes një deklarate zyrtare bën me dije ...

Mes justifikikimit dhe dorëheqjes/ Basha pranon se ka dështuar në krye të PD -së

29 Prill 2018, 09:47, Aktualitet CNA

Pasi i ka dështur Kuvendi Kombëtare me pjesëmarrjen, kreu i PD ?së Lulzim Basha ka sulmuar Qeverinë.

Sipas Bashës ajo që i bashkon sot demokratët është dashuria për vendin, aspiratat historike, si dhe vlerat që ndajmë.

?Ata kanë dështuar por dhe ne nuk ia dolëm. Nuk i dhamë vendin zgjedhje të lira dhe të ndershme, nuk ia dolëm që të ndajmë vendin nga krimi. Duke lënë pas humbjen dhe zhgënjimin le të shohim njëri tjetrin në sy dhe të themi kurrë më. Sot e gjithë Shqipëria pret nga ne?, ka thënë Basha.

Më tej ai është justifikuar për gabimet që ka bërë në krye të PD, por duke mos pranuar të japë dorëheqjen ashtu siç i është kërkuar.

?Unë kam bërë gabimet e mia për të cilat kam pranuar përgjegjësinë time. Gjithçka që kam bërë, e kam bërë me qëllim për t?u shërbyer njerëzve. Jam i vetëdijshëm për gabimet e mia. Nga ky Kuvend i madh dua ti shtrij dorën gjithsecilit që dëshiron të kontribojë dhe të bashkohet me ne për ti kthyer këtij vendi shpresën dhe besimin tek e nesërmja. Dora ime do të mbetet e shtrirë jo për pazare as për të bërë fotografi por që së bashku të ndërtojmë rrugën tonë drejt suksesit?, ka thënë Basha.

Pjesë nga deklarata e Bashës

Qeverisja e Edi Ramës është kriminale. Eshtë qeveri hajdute. Mashtruese. Eshtë qeveri e një grushti njerëzish. Eshtë anti-popullore. Eshtë një kastë që shërben vetëm interesat e saj.

Në Shqipëri Edi Rama ka instaluar një qeveri private ku vendos vetëm ai. Kuksianët janë në burg. Dritan Zagani është në mërgim. Saimir Tahiri është në parlament. Tahiri është i lirë, edhe pse është ministri i brendshëm më i implikuar në krim në gjithë historinë e Europës.

Nuk është kuvendi, nuk është qeveria, nuk janë institucionet shtetërore që bëjnë politika dhe vendosin politikat e vendit. Është Edi Rama me një grusht klientësh, dhe në ortakëri me krimin.

Çdo minutë oligarkët e Ramës marrin mijëra euro nga paratë tona përmes konçesioneve, kontratave dhe favoreve direkte nga buxheti i shtetit. Pengmarrësit e kësaj qeverisje janë Gjiknuri, Veliaj, Dako i bandave të Durrësit, Qazim Sejdini me bandat e tij të heroines. Pengmarrësit e socialistëve janë Balilajt dhe Habilajt, janë oligarkët dhe klientët e Edi Ramës. Simboli më i turpshëm i kësaj qeverisje, është ai që i lidh të gjithë këta bashkë./CNA.al