LEXO PA REKLAMA!

SHKARKO APP

Nis punimet Kuvendi Kombëtar i PD-së/ Zbardhen emrat që do të flasin

29 Prill 2018, 08:32, Aktualitet CNA

Kuvendi Kombëtar i Partisë Demokratike ka nisur punimet, ku fjalën hapëse e ka mbajtur deputeti demokrat, Edi Paloka.

Paloka ka rikonfirmuar dhe një herë axhendën e Kuvendit, ndërsa fjalën pas tij e ka marrë Fato Murraj, anëtarja më e moshuar në Kuvendin Kombëtar të Partisë Demokratike.

Më pas fjalën pritet ta marrë:

Ndrea Marku, përfaqësues i sipërmarrësve të vegjël, bashkë me deputeten Jorida Tabaku.

Lulzim Popa, një prej protestuesve në Kukës, i cili u arrestua nga policia e shtetit pasi kërkonte heqjen e tarifës për ??Rugën e Kombit?, bashkë me deputetin Flamur Noka në Kuvendin Kombëtar të Partisë Demokratike.

Mënyre Lila, familjare nga Kavaja, i është hequr ndihma ekonomike. Jeton pa të ardhura, me bashkëshortin, vajzën e divorcuar dhe mbesën me aftësi të kufizuara. Së bashku me deputeten Grida Duma, në Kuvendin Kombëtar të Partisë Demokratike.

Uran Kostreci, ish-i përndjekur, së bashku me deputetin Enkelejd Alibeaj, në Kuvendin Kombëtar të Partisë Demokratike. 6. Xhovana Bala, anëtarja më e re e Kuvendit Kombëtar, së bashku me kryetarin e Forumit Rinor të Partisë Demokratike, Belind Këlliçi. /CNA.al

Lajmet e fundit nga