E fundit!

09:42 Aktualitet

Masat për sezonin veror/ Lamallari: Siguri më e lartë në destinacionet turistike

U prezantuan sot masat e marra nga Policia e Shtetit për g...

Idete reformatore apo dhuna mund te permisojne performancen e sistemit tatimor

4 Gusht 2015, 18:31, Opinione CNA

*Nga Flamur GJYMISHKA

Ditet e fundit debati mbi permisimin e performances se sistemit tatimor ka hedhur ne tregun mediatik te shume ideve. E thene ndryshe mbi rrugen qe duhet ndjekur per rritjen e te ardhurave ka mendime dhe ide nga me interesantet

Ne rregulloret e BE-se por dhe ligjeve fiskale tek ne, primare eshte edukimi i biznesit ne njohjen dhe zbatimin e ligjeve te taksave. Por dhe kur konstatohen shkelje, ligjet fiskale gjithmone si zgjidhje te pare ofrojne masen administrative dhe me pas kur kjo zgjidhje kundershtohet, organet kopetente u drejtohen institucioneve qe mundesojne ndeshkimin penal. Kjo fryme qe kane ligjet fiskale zbatohen jo vetem ne vendet e zhvilluara, por dhe ne cdo vend demokratik qe synon te krijoje frymemarje dhe zhvillim te biznesit. Biznesi eshte pasuri kombetare, ndaj dhe si tille duhet vleresuar dhe trajtuar nga cdo ligj, vendimarje te qeverise por dhe nga organet e zbatimit ligjit.

Ka shume eksperienca te mira te vendeve te ndryshme ne reformat fiskale, por interesante me eshte dukur rasti Armenise i cili konsiderohet nje vend qe ka kryer nje reforme te suksesshme

Ne fund te vitit te kaluar nje grup ekspertesh te ketij vendi, erdhen prane Ministrise se Financave per te prezantuar nje projekt te tyrin per kasat fiskale. Nuk di cili ka qene vleresimi qe kane dhene ekspertet e Ministrise se Financave por ne bisede me njerin nga ekspertet armen mesova dhe rrugen e suksesit te ndjekur prej tyre.

Vendosja e kasave fiskale kish pasur impakt ne te ardhurat tatimore por me pas efekti kaloj ne stonacion.

Ekipi qe po zbatonte reformen inicioi nje ide tjeter, Ne momentin kur vlera e kuponeve tatimore arrinte nje vlere te caktuar, organet tatimore rimbursonin fillimisht 5% te vleres dhe me pas rimbulsimi kapi vleren 10%

Pasi dhe ky benefit dha maksimumin e tij u hodh ideja tjeter, organizimi i nje llotarie kombetare

Ne periudha te ndryshme kohore u konkretizuan disa ide me benefite per klientet qe paiseshin me kupon tatimor.

Kur sondazhet tregonin qe paisja me kupon tatimor kaloi mbi 90% te klienteve, filluan te aplikohen masa administrative qe hap pas hapi arriten deri ne 5-fishin e vleres se kuponit tatimor te munguar

Eshte e njohur suksesi ireformave tatimore ne Armeni por ne biseden me ekspertin ( pjesmares ne kete reforme) ne asnje rast nuk permendi perdorim dhune, njerez te futur ne burg, etj. Perdorimi dhunes mund te kete efekte per momentin, por nuk mund te jete as te quhet reforme. Shume shpejt pas perfundimit te dhunes do kthehesh aty ku nise dhunen.

* Ish-Drejtor i Pergjithshem i Doganave