E fundit!

16:43 Politikë

Mazhoranca zbulon planin për Reformën Territoriale/ “Shkrihen” disa bashki, ja ndryshimet

Bashkëkryetari socialist i Komisionit për Reformën Adminis...

HABERET E MITROS/KËPUCAR, QËNDRO TEK KËPUCA!

24 Korrik 2015, 10:01, Opinione CNA

Nga Mitro CELA

Goja, piktori i famshëm spanjoll, pasi përfundoi portretin e mbretit, mbeti në mëdyshje për formën e këpucëve. U kujtua. Thirri këpucarin e mbretit. E pyeti. Këpucari nisi të tregojë. ?Këpucët kishin një tegel?. Piktori bëri tegelin…Këpucari fliste. Piktori punonte. Këpucari vazhdoi të fliste:…-Në ballë kishte një nishan…-Këpucar,-tha Goja,- qëndro tek këpucët!

E bukur si histori. E hidhur kur përsëritet…Mbrëmë po rrija në odanë time…Kur bekuar qofsh o Perëndi! Për vizitë na erdhi ministri i Ekonomisë Arben Ahmetaj…Jo i gjallë. Nga ekrani. Kishte shkuar për vizitë në një rrobaqepsi, që qepte e çqepte rroba për në Gjermani.

Ma bëri zemrën mal: Ishte veshur ?alta-moda?. Më lezet i kishte një fjongo! Flutur nga forma. Fare rastësisht, pa njoftim, në rrobaqepsi kishi mbritur një tufë me gazetare seksi. Prapa, si dhelpra rrushit, u shkonin kameramanët.

Sipas skenarit, i pari foli i zoti i shtëpisë: ? Ja bëftë Zoti dritë qeverisë! Na ka ndihmuar të marrim 90 puntorë. Para të thata për kualifikim.? Ministri dëgjonte, si në kohën kur ishte student në fakultetin e gjuhës angleze…Pastaj u ndërruan rolet. Foli ministri pa kartë:
-Qeveria i do shumë rrobaqepësit. Këta na shtojnë eksportin. Pa eksport- nuk ka kredi të buta nga FMN. Në maj, poqëm si qeveri një paketë. E gatuam ne si ministri. Ja edhe rezultati. Nuk e them une. Dhe nuk ka pse e them. E thanë ata që punojnë dhe drejtojnë. U kujtohet si vuanin këto vajza e gra në kohën e Berishës?…

Kronika u mbyll me shtërgim duarsh, përqafime dhe buzëqeshje…Çështë kjo mesele? Në dhjetor Ilir Meta 2013 u zotua: në qershor do ulet tatimi mbi fitimin nga 15 përqind në 10 përqind… Sot ministri ?qirasi? fasonerinë me thërrime, duke harruar ?thelat? …

I thashë Ezmeres sime: ?Disa ditë më parë ministri i ra gjoksit: Nuk do ketë ngritje të çmimit të korentit, si në kohën e Berishës. Dy ditë më parë doli haberi: OST-ja, i ka kërkuar Entit Rregullator, që korenti të rritet 10 përqind?!…Disa ditë më parë minisitri u kapardis: 97 përqind e shqitarëve përfituan nga ulja e taksave. Po rritjen e akcizës për naftë e cigare, do ta paguaj sërbi? Po taksën për makinat e vjetra do e paguaj greku? Po tarifat për bisedat telefonike me jashtë do i paguaj frëngu??
Dhe erdhi korrik 2015. Deficitet në buxhet 600 milionë euro. Ministri Ahmetaj me bisht në shalë…
…Këpucar: Tha Ezmerka?!