Si na manipulokan turistët e huaj duke përfituar me zakonet tona?

2 Gusht 2015, 06:22, Opinione CNA

Nga Artan FUGA

Ne nje emision televiziv lajmesh sonte, duke dremitur, ndiqja nje rubrike ku flitej se turiste te shumte po shkojne ne malesite tona duke perfituar nga bukurite tona atje dhe bujtin naten ose drekojne ne shtepite e malesoreve, te cilet nuk pranojne te marrin pare si shperblim sepse per ta miku eshte i shenjte. Turistet jane mrekulluar nga keto zakone.

Cfareeeeeeee? Me doli gjumi. Ah, sikur te ishte enderr… U hodha nga divani ku isha shtrire perballe kondicionerit dhe nga afshi qe me dha ky lajm hapa deren e frigoriferit, kapa nje shishe me uje me xixa dhe e hodha ne koke gjithe ujin qe ishte brenda. Ndjeva nje zhurme mbi koke sikur hedh ne tiganin me vaj te skuqur nje veze per ta ngrene sy.

Ore, po kaq idiote jemi???

Po cfare lidhjesh ka zakoni i pritjes te mikut me faktin qe turisti qe vjen me agjenci turistike kalon naten dhe merr ushqim falas ne shtepite tona ne malesi???

Kesaj i thone te na manipulojne me sjelljet tona kalorsiake duke perfituar financiarisht prej tyre. Miku eshte tjeter gje dhe turisti si klient per nje industri tregu eshte gje tjeter.

Ore na perdorin kunder nesh zakonet tona dhe ne fleme…

Edhe gjakmarrjen armiqte tane na e perdorin per te thene se ne jemi vrases, kur kodi i beses eshte kodi i paqes, edhe mikpritjen na e perdorkan per te bere turizem falas.

Mire qe nuk na bejne edhe ndonje gje tjeter, jane qe jane naten te ne…

Po a ka ndonje dikaster turizmi-hakmarrjeje-gjakmarrjeje-hidrocentralesh-bankash etj. etj. te ne qe t’u shpjegoje malesoreve se ata ne kete rast nuk jane te zote shtepie por operatore turistike dhe si te tille jane ne nje ekonomi tregu, apo dikasteri ne stinen e turizmit ka shkuar per turizem???

Po gazetari mo, gazetari, qe behet cakerqejf me leximet e fillores per mikrpitjen shqiptare dhe na transmeton kete idiotesi qe ndodhkan te ne, ne vend te ngreje zerin ne kupe te qiellit qe ne qenkemi aq budallenj, aq idiote, aq leshko saqe biem viktime e zakoneve tona te larta nga horra qe llupin te ata njerez te varfer dhe i manipulojne duke u thene : u sa i mire mishi i kecit, sa mikprites qenke, bravo se perndryshe do kishe turpru gjithe gjysherit ne varr…

Opo te merr tmerri te degjosh nje emision lajmesh nga budallalleqet qe mund te marresh vesh dhe pastaj ja, hajde te te zere gjumi,
po na merr lumi…