Mbi 8 orë punë në ditë, 1 në 5 punonjës në Shqipëri punon me orar të zgjatur

3 Qershor 2022, 15:47, Sociale CNA
Mbi 8 orë punë në ditë, 1 në 5 punonjës në
Foto ilustruese

47 mijë të punësuar në Shqipëri punojnë mbi 48 orë në javë. Ky numër është sa 19 % e të gjithë të punonjësve me ose pa pagë, të cilët punojnë mbi normën e përcaktuar nga Kodi i Punës, që është 40 orë në javë.

Për këta individë puna merr rreth 10 orë në ditë, kur merren dy ditë pushim dhe 8-9 orë kur merret vetëm 1 ditë çlodhjeje.

Të dhënat tregojnë, se në vitin e pandemisë, orët e gjata të punës prekën një numër më të vogël punonjësish, për t’u kthyer sërish tek e njëjta kuotë, një vit më vonë.

INSTAT ka parë se mbingarkesa në treg e punës përfshin më shumë meshkujt dhe kjo kategori është e lidhur me punën në bujqësi, biznes familjar apo profesionet e lira.

Nga ana tjetër, shifrat zyrtare tregojnë se më shumë se gjysma e të punësuarve punojnë nga 40 deri në 48 orë në javë, dhe pjesa tjetër punon me orë të shkurtra javore nga 15 deri në 39./euronews

Lajmet e fundit nga