LEXO PA REKLAMA!

SHKARKO APP

Bora në Theth arrin në 7 metra/ Pronarët e bujtinave, apel autoriteteve

23 Janar 2023, 08:20, Sociale CNA

Bora në Theth arrin në 7 metra/ Pronarët e bujtinave, apel

Moti i keq ka shkaktuar probleme në zonat malore, ku ka rënë dëborë.

Në Theth, dëbora ka arritur në trashësinë prej 7 metrash, duke bllokuar rrugët dhe paralizuar të gjithë zonën.

Lajmi është bërë i ditur nga pronari i një prej bujtinave në Theth, Pavlin Polia.

Në emisionin “Good Morning Albanians” në "Euronews Albania", ai  ka thënë se aktualisht nuk ka turistë të mbetur në Theth.

Polia u bëri thirrje autoriteteve që të marrin masa për zhbllokimet e rrugëve në mënyrë që kjo zonë të vizitohet edhe dimrit nga turistë.

 “Besoj se bora në rrugën e Thethit do të pastrohet për tri ditë. Dëbora ka shkuar rreth 7 metra. Ka pasur rënie orteqesh. Deri më tani nuk ka ndonjë turist që ka ngelur në Theth. Janë lajmëruar nga pronarët e bujtinave. Kemi shprehur shqetësim që duhet të ketë ndërhyrje me disa vende sepse rrezikohet dhe jeta e punëtorëve.

Banorët e zonës zakonisht marrin masa paraprakisht për dimrin pasi e dinë se si është situata në Theth. Kishte ndërprerje të energjisë për dy ditë, por që u riparua. Shpresoj që vitin tjetër të merren masa afatgjata dhe turistëve t’u jepet mundësia që edhe në dimër ta vizitojnë Thethin”, është shprehur ai./CNA.al

Lajmet e fundit nga