web counter
LEXO PA REKLAMA!

SHKARKO APP

App Store
Google Play

E fundit!

x

Ankesa e fermerëve/ Ja insekti që po dëmton prodhimet bujqësore në Maliq

17 Korrik 2022, 19:11, Sociale CNA
Ankesa e fermerëve/ Ja insekti që po dëmton prodhimet
Insekti Diabrotica Vergifera

Diabrotica Vergifera është insekti i cili është duke dëmtuar të mbjellat e fermerëve në fushën e Maliqit, kryesisht misrit.   

Festim Kupe është një nga fermerët e prekur më së shumti nga ky lloj insekti. Ai ka mbjellë rreth 60 hektarë misër, ndërkohë që tani i duhet të shpenzojë më tepër, për luftimin e këtij dëmtuesi.

“Kjo ka dëmtuar rrënjën ne fillim fare tani pret mustaqet e misrit dhe nuk bëhet pjalmimi. Tani dëmi vetëm kur ta korrim, se as ne nuk e dimë. Unë kam mbjellë rreth 60 hektarë, gati 80% është i dëmtuar”, thotë ai per "Euronews".

Për përgjegjësin e sektorit të bujqësisë në Bashkinë e Maliqit ky Insekt është duke dëmtuar fillimisht rrënjën e më pas organet e riprodhimit të bimës dhe gjethen.

“Në kulturën e misrit në fushën e Maliqit kohët e fundit është shfaqur një dëmtues, i cili dëmton bimën e misrit, sistemin rrënjor, pjesën mbi tokësore etj. Ajo që është me kryesorja dëmton organet riprodhuese e si pasojë prodhimi mbetet i paplotësuar me kokrrat e nuk merret ai rendiment që pritet të merret. Specialistët e bashkisë Maliq po bëjne insepktimim ne terren, do ketë preparate por problemi është që Insekt është shumë i zhvilluar”, u shpreh Arben Dulellari, përgjegjës sektori për bujqësinë në Bashkinë Maliq.

Vetëm në fshatin Drithas të njësisë administrative Libonik janë mbjellë rreth 900 hektarë me misër, ku shumica prej tyre është e prekur nga ky insekt./CNA.al





Lajmet e fundit nga