E fundit!

10:45 Kronika

Vrau efektivin e policisë dhe plagosi një tjetër/ Kush është autori i ngjarjes në Maliq

Një ngjarje e rëndë u shënua këtë të enjte në Lozhan të Ma...

Tirana dhe Vlora kryesojnë me numrin e të infektuarve/ MSH paraqet bilancin e COVID-19 në 24 orë

30 Tetor 2022, 17:30, Shëndeti CNA

Tirana dhe Vlora kryesojnë me numrin e të infektuarve/ MSH paraqet

Ministria e Shëndetësisë raporton se ditën e sotme se janë kryer 302 testime, ku kanë rezultuar 17 qytetarë të infektuar, dhe se fatmirësisht nuk ka humbje jete si dhe janë shëruar 15 persona në 24 orët e fundit.

Ministria e Shëndetësisë u bën sërish thirrje qytetarëve të mos neglizhojnë vaksinimin anti-COVID, veçanërisht në këtë periudhë të vjeshtës, për të kufizuar rrezikun e përhapjes së infeksionit.

Vaksinimi anti-COVID kryhet në qendrat shëndetësore në të gjithë vendin. Gjithashtu MSHMS apelon të gjithë qytetarët e vaksinuar, që të drejtohen në qendrat shëndetësore, për t’u vaksinuar me dozën përforcuese. Vaksinat anti-COVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.

Nëse keni shenja të sëmundjes apo keni pasur kontakt me një person të prekur nga COVID-19, izolohuni menjëherë dhe kontaktoni mjekun tuaj të familjes për t’u testuar sa më parë ose telefononi Urgjencën Kombëtare në numrin unik 127.

Ju informojmë për situatën në 24 orët e fundit, si vijon: Janë kryer 302 testime, nga të cilat kanë rezultuar pozitivë me COVID-19, 17 qytetarë, në këto bashki:

12 në Tiranë, 4 në Gjirokastër, 1 në Lushnje.

Janë 244 qytetarë aktivë me COVID-19 në të gjithë vendin.

Aktualisht në spitalin COVID 3 po marrin trajtim 4 pacientë. Në 24 orët e fundit nuk ka asnjë humbje jete me SarsCov2.

Janë shëruar 15 qytetarë gjatë 24 orëve të fundit, duke e çuar numrin e të shëruarve në 327,963 që nga fillimi i epidemisë.

Statistika (30 tetor 2022)

Raste të reja ditore 17
Të shëruar në 24 orë 15
Të shtruar në spitale 4
Humbje jete në 24 orë 0
Testime ditore 302

Testime totale 1,997,033
Raste pozitive 331,800
Raste të shëruara 327,963
Raste aktive 244
Humbje jete 3,593

Shpërndarja gjeografike e rasteve aktive sipas qarqeve:

Tiranë 162
Vlorë 24
Fier 12
Gjirokastër 12
Berat 11
Durrës 8

Elbasan 5
Shkodër 4
Lezhë 3
Korçë 1
Kukës 1
Dibër 1/CNA.al