web counter
LEXO PA REKLAMA!

SHKARKO APP

E fundit!

x

Dasho, thirrje për vigjilencë ndaj Covidit dhe gripit stinor/ Merrini me seriozitet rekomandimet e OBSH-së

25 Tetor 2022, 19:43, Shëndeti CNA
Dasho, thirrje për vigjilencë ndaj Covidit dhe gripit stinor/ Merrini
Eksperti i Shëndetit Publik, Erion Dasho

Organizata Botërore e Shëndetësisë bëri së fundmi një tjetër thirrje për vigjilencë nga koronavirusi dhe gripi stinor, teksa tha se nuk është ende koha që qytetarët të relaksohen.

Për ekspertin e Shëndetit Publik, Erion Dasho, këto rekomandime duhen marrë me seriozitet.

Duke qenë se me ardhjen e vjeshtës shtohen edhe virozat, Dasho tha në një prononcim për CNA.al se nevojiten masa shtesë për të parandaluar përhapjen e viruseve.

“Sigurisht që rekomandimet e OBSH-së duhen marrë me seriozitet dhe për këtë arsye ekzistojnë të gjitha ato organe në Shqipëri siç është Instituti i shëndetit Publik, ministria e Shëndetësisë, siç janë operatorët e shëndetit, të cilët duhet të reagojnë në përputhje me këto rekomandime. Sigurisht vjeshta është fillimi i stinës së virozave dhe sidomos për personat që i takojnë grupeve në risk, nevojiten masa shtesë për të parandaluar përhapjen e virozave, infektimin e tyre nga viruse të ndryshme dhe rrezikun e jetës për këta persona, prandaj quhen grupe në risk, që për këta persona është gjithmonë prezent”, theksoi ai./ B.A. – CNA.al





Lajmet e fundit nga