web counter
LEXO PA REKLAMA!

SHKARKO APP

App Store
Google Play

E fundit!

x

Raportimet për të infektuarit me Covid-19/ Dasho: Nuk po testohet sa duhet

25 Tetor 2022, 19:57, Shëndeti CNA
Raportimet për të infektuarit me Covid-19/ Dasho: Nuk po testohet sa
Eksperti i Shëndetit Publik, Erion Dasho

Ndonëse shumë ekspertë të shëndetësisë kishin paralajmëruar një rritje të shifrave të Covid-19, raportimet ditore nxjerrin një numër të ulët të infektuarve.

Eksperti i Shëndetit Publik, Erion Dasho e ka lidhur këtë me testimin e pamjaftueshëm.

“Shifrat e infektimeve në Shqipëri, jo vetëm tani, por gjatë gjithë pandemisë kanë qenë të dyshimta, sepse në Shqipëri asnjëherë nuk është testuar aq sa duhet, kështu që besoj që këto shifra, që janë në nivelin e disa dhjetërave në ditë, në Shqipëri janë shumë të ulëta për të qenë të vërteta dhe e theksoj edhe njëherë, kjo lidhet me testimin e pamjaftueshëm”, u shpreh ai në një prononcim për CNA.al.

I pyetur për fushatën e vaksinimit gjatë kësaj vjeshte, Dasho tha se është e logjikshme që vaksinat tu rekomandohen personave që u përkasin grupeve në risk.

“Unë nuk jam në dijeni se çfarë masash janë marrë në Shqipëri, besoj se Shqipëria duhet të ketë sasi të mjaftueshme vaksinash, sidomos të vaksinave cilësore tashmë, të cilat duhet tu ofrohen personave që u takojnë grupeve në risk dhe të gjithë atyre personave që duan të mbrojnë veten e tyre. Unë mendoj se tashmë Covidi dhe gripi u përkasin dy viruseve, kundrejt të cilëve ekzistojnë vaksina dhe për këtë arsye para çdo fushate virozash është e logjikshme që këto vaksina tu rekomandohen personave që u përkasin grupeve në risk, për t’i mbrojtur ata në raport me të dy këto viruse”, theksoi mjeku për CNA.al./ B.A. – CNA.al





Lajmet e fundit nga