web counter
LEXO PA REKLAMA!

SHKARKO APP

App Store
Google Play

E fundit!

x

Pandemia e COVID-19/ Erion Dasho: Çfarë na pret këtë dimër?

25 Tetor 2022, 21:01, Shëndeti CNA
Pandemia e COVID-19/ Erion Dasho: Çfarë na pret këtë
Eksperti i Shëndetit Publik, Erion Dasho

Eksperti i Shëndetit Publik, Erion Dasho, ka treguar se çfarë na pret këtë dimër, për sa i përket situatës shëndetësore nga pandemia e COVID-19.

Në një prononcim për CNA.al, Dasho tha se pandemia ka pushuar së qeni një rrezik për shëndetin publik, por ngelet rrezik virusi për individët që u përkasin grupeve në risk.

Për këtë arsye, ai rekomandoi vaksinimin e personave mbi 60 vjeç, personave që janë të prekur nga sëmundje të caktuara kronike, si dhe çdokujt që dëshiron të mbrojë veten.

“Pandemia ka shumë ide, një nga këto ide ka qenë edhe e presidentit amerikan, i cili sigurisht që nuk flet nga mendja e vet, por flet në emër të ekspertëve të shumtë me të cilët kosultohet. Presidenti amerikan deklaroi se pandemia është drejt shuarjes. Edhe mendimi im personal është se pandemia ka pushuar së qeni një rrezik për shëndetin publik, por ngelet rrezik virusi për individët që u përkasin grupeve në risk dhe individëve vulnerabël.

Për këtë arsye, ajo çka unë do të rekomandoja, është që derisa në raport me COVID-in ekziston një vaksinë, personat me moshën mbi 60 vjeç duhet të vaksinohen, personat që janë të prekur nga sëmundje të caktuara kronike duhet të vaksinohen si edhe çdo person tjetër që dëshiron të mbrojë veten, sidomos ata që ushtrojnë profesione të caktuar që i vendosin në kontakt me shumë njerëz, duhet edhe ata të vaksinohen për të mbrojtur veten në raport me COVID-in”, nënvizoi mjeku./ B.A. – CNA.al





Lajmet e fundit nga