E fundit!

17:41 Kosova & Bota

Trump tërhiqet nga tarifa prej 20% në Ngushticën e Hormuzit/ Ja me çfarë do ta zëvendësojë masën

Presidenti amerikan Donald Trump është tërhequr nga vendos...

Kinezët zbulojnë një ilaç që pretendohet se do të zgjasë jetën e njeriut

27 Tetor 2022, 08:27, Shëndeti CNA

Kinezët zbulojnë një ilaç që pretendohet se do

Shkencëtarët kinezë kanë njoftuar ditët e fundit zhvillimin e një ilaçi që simulon tek qelizat efektet e agjërimit, duke aktivizuar në këtë mënyrë një enzimë, e cila rregullon konsumin e energjisë dhe redukton akumulimin e yndyrës.

Përbërja kimike e përdorur, e cila u vu re në testet laboratorike se e zgjati jetëgjatësinë e shëndetshme te minjtë dhe krimbat, mund të përdoret gjithashtu edhe te njerëzit si një terapi për trajtimin e çrregullimeve metabolike si diabeti dhe mëlçia e dhjamosur (akumulimi i tepërt i triglicerideve në qelizat e mëlçisë). Rezultatet e studimit të ekspertëve kinezë u publikuan në revistën “Nature Metabolism”.

Një jetë më e shëndetshme dhe më e gjatë

Ilaçi, i quajtur Aldometanib, ishte në gjendje të zgjaste nga 18 në 26 ditë jetëgjatësinë e shëndetshme të krimbave të rrumbullakët, dhe atë të minjve me të paktën 7.5 për qind. Po ashtu, u pa se brejtësit kishin nivele të ulëta të glukozës në gjak dhe një përmirësim të gjendjes së mëlçisë së dhjamosur dhe steatohepatitit joalkoolik (një sëmundje joalkoolike që shkakton inflamacion dhe vdekje të indeve të mëlçisë).

Më të dobët në peshë trupore por më të fuqishëm fizikisht

Pas një muaji trajtim me Aldometanib, minjtë e përmirësuan ndjeshëm formën e tyre fizike, duke humbur masën dhjamore, por jo yndyrën e dobishme. Dhe u pa se dhe pas një viti ata ishin më rezistentë në vrapim dhe kishin një forcë më të madhe shtrëngimi në gjymtyrët e tyre.

Po si funksionon ky ilaç?

Aldometanib vepron duke aktivizuar një enzimë që rregullon konsumin e energjisë, të quajtur AMPK, e cila është e pranishme në çdo qelizë eukariote dhe që aktivizohet natyrshëm kur furnizimi me glukozë është në nivele të ulëta. Ilaçi parandalon që një derivat metabolik i glukozës të lidhet me aldolazën, një enzimë që zbërthen sheqernat për energji. “Aldolaza është si një palë gërshërë. Kur nuk gjen ind për të prerë, ajo aktivizon AMPK”- thotë Sheng-Cai Lin, një nga autorët e studimit

Më mirë sesa metformina

Krahasuar me metforminën që tashmë ekziston, një ilaç që aktivizon enzimën AMPK dhe përdoret për trajtimin e diabetit të Tipit 2, Aldometanib funksionon më mirë për uljen e niveleve të glukozës. Madje ilaçi i ri kinez është gjithashtu në gjendje që të ndikojë tek muskujt skeletorë, pra tek indet që kontribuojnë ndjeshëm mbi masën trupore, dhe për këtë arsye është e rëndësishme që të reduktohen nivelet e glukozës.

Përkthyer dhe përshtatur nga CNA.al