web counter
LEXO PA REKLAMA!

SHKARKO APP

App Store
Google Play

Lodhja dhe goditja nga nxehtësia/ Simptomat dhe këshillat si duhet ta menaxhoni

15 Korrik 2022, 18:13, Shëndeti CNA
Lodhja dhe goditja nga nxehtësia/ Simptomat dhe këshillat si duhet ta
Foto ilustruese

Me temperaturat rekord në rritje në mbarë botën, kërkimet e "Google" për simptomat e lodhjes nga nxehtësia janë rritur me 2,750% më shumë se javën e kaluar. Ndërsa rraskapitja nga nxehtësia nuk është aq serioze ose potencialisht vdekjeprurëse sa goditja e nxehtësisë, duhet të trajtohet menjëherë përpara se të mund të përparojë.

Edhe pse të gjitha vdekjet dhe sëmundjet e lidhura me nxehtësinë janë të parandalueshme, çdo vit mesatarisht 658 njerëz vdesin nga nxehtësia ekstreme dhe ekspertët thonë se ky numër mund të jetë edhe më i lartë për shkak të nën-raportimit nga spitalet dhe zyrtarët e shëndetësisë. Statistikat tregojnë se pothuajse të gjitha vdekjet e lidhura me nxehtësinë ndodhin midis majit dhe shtatorit me shifrat më të larta të raportuara gjatë korrikut, thotë Qendra për Kontrollin dhe Parandalimin e Sëmundjeve.

Sipas British Glamour, shenjat e lodhjes nga nxehtësia përfshijnë:

Dhimbje koke

Marramendje dhe konfuzion

Humbja e oreksit dhe ndjenja e sëmundjes

Djersitje e tepruar dhe lëkurë e zbehtë

Ngërçe në krahë, këmbë dhe stomak

Frymëmarrje ose puls i shpejtë

Temperatura e lartë

Etja

Nëse keni këto simptoma, ndërmerrni këto hapa:

- Lëvizni në një vend më të freskët.

- Shtrihuni dhe ngrini pak këmbët lart.

- Pini shumë ujë, ose një pije energjike.

- Ftoheni lëkurën duke e spërkatur me ujë të ftohtë, sipas ekspertëve.

“Nëse simptomat nuk përmirësohen brenda një ore, ose personi bëhet konfuz ose i shqetësuar, humbet vetëdijen ose nuk është në gjendje të pijë, kërkoni shërbim mjekësor. Ju do të keni nevojë për ftohje të menjëhershme dhe kujdes urgjent mjekësor nëse temperatura e trupit rritet”, thotë Carol Eëing Garber, profesore e shkencës së lëvizjes në Universitetin e Kolumbisë. Këto janë shenja të goditjes së nxehtësisë, së bashku me të folurit e paqartë, nervozizëm, deliri, konvulsione dhe koma./ A.E-CNA.al





Lajmet e fundit nga