LEXO PA REKLAMA!

SHKARKO APP

Burrat apo gratë /Kush janë më të rrezikuar nga kanceri i lëkurës

15 Korrik 2022, 14:21, Shëndeti CNA
Burrat apo gratë /Kush janë më të rrezikuar nga kanceri i
Foto ilustruese

Nga të dy gjinitë, kush do të mendoni se është më në rrezik të preket nga kanceri i lëkurës?

Kësaj pyetje i është përgjigjur Instituti Cancer Research UK, i cili pas hulumtimeve në lidhje më këtë temë arriti në përfundimin se burrat kanë më shumë gjasa të vdesin nga kanceri i lëkurës sesa gratë.

E thënë ndryshe se 1400 burra në Mbretërinë e Bashkuar humbin jetën nga kanceri i lëkurës melanoma çdo vit, ndërsa për gratë kjo shifër është shumë herë më e vogël. 

Nga hulumtumi u vu re gjithashtu se normat e vdekshmërisë ranë me 9% për gratë në dekadën e fundit, ndërsa për burrat nuk pati asnjë rënie.

Përkundrazi që nga viti 1970 shkalla e vdekjeve te meshkujt është rritur me 219 % krahasur me 76 % të femrave.

Por përse ndodh një fenomen i tillë?

Studuesit kanë cilësur se mungesa e mbrojtjes nga dielli mund të jetë ndikuese, pasi meshkujt në krahasim me femrat janë të pakujdesshëm kundra rrezeve UV të diellit të cilat kanë ndikim kancerogjen në trupin e njeriut.

Ndërsa femrat falë kremrave kundër diellit arrijnë  t’i minimalizojnë dhe të ulin fuqinë e ndikimin e rrezeve në trupin tonë.

Burrat apo gratë /Kush janë më të rrezikuar nga kanceri i
Shefja ekzekutive e institutit kërkimor Michelle Mitchell

Shefja ekzekutive e institutit kërkimor Michelle Mitchell tha: “Qëndroni larg rrezeve të diellit. Mos e pozoni trupin tuaj lakuriq nën rrezet e diellit dhe aplikoni rregullisht krem ??kundër diellit. Djegia nga dielli vetëm një herë në dy vjet mund të trefishojë rrezikun e kancerit të lëkurës”.

Një temë tjetër që nuk duhet anashkaluar janë dhe nishanet që ndodhen në pjesë të ndryshme të trupit tonë.

Mjekët u bënë thirrje njerëzve që të kontrollojnë nishanet në trup.

Në momentin e parë që vini re ndryshime në madhësinë apo formën e ndonjë prej tyre duhet menjëherë të këshillohen me një mjek pasi këto mund të jenë shenja të melanomës ose thënë ndryshe kancerit të lëkurës./CNA.al

Lajmet e fundit nga