web counter
LEXO PA REKLAMA!

SHKARKO APP

App Store
Google Play

E fundit!

x

"LOJËRA POPULLORE FEST"/ 18 vite pjesë e aktiviteteve festive

28 Shtator 2025, 14:39, Qyteti im CNA

Në Shkodër u zhvillua edicioni i 18 i “Lojëra Popullore Fest”. Ky aktivitet tradicional mblodhi bashkë përfaqësues nga trevat shqipfolëse, duke sjellë lojëra, muzikë dhe motive kulturore që ruajnë gjallë trashëgiminë brez pas brezi.

Në këtë aktivitet mori pjesë edhe nënkryetarja e Bashkisë Shkodër, Teuta Qyteza, e cila përshëndeti pjesëmarrësit dhe theksoi rëndësinë e ruajtjes dhe promovimit të traditave. Ajo u shpreh se Shkodra, si qendër e kulturës dhe historisë shqiptare, ka një rol të veçantë në mbështetjen e aktiviteteve që i japin jetë identitetit kombëtar.

"Tashmë e shëndrruar në një traditë ky edicion sjell risi, shumë miq e të ftuar. Mirësevini në këto emocione që ne si Shkodër i duam dhe i promovojmë shumë. "Lojëra popullore" e kanë zanafillën atëherë kur nuk ishin as orkestra simfonike por as dasmat si i bëjmë sot. Ndaj këto lojëra na shtojnë dëshirën jo vetëm t'i promovojmë por edhe t'i përkrahim sepse janë vlera të trashëgimisë sonë kulturore, e popullit shqiptar brenda e jashtë vendit. Siç patë edhe në performaca kishim fëmijë të vegjël të veshur me kostume popullore duke manifestuar atë që dinë të bëjnë më mirë. Ndaj me shumë dëshirë dua të përshëndes organizatorët dhe Bashkinë Shkodër e cila është promotore e këtyre aktiviteteve".

“Lojëra Popullore Fest” është tashmë një traditë e “The Door” e cila tashmë edhe me mbështetjen e Bashkisë Shkodër synon të sjellë më pranë komunitetet shqipfolëse dhe të përcjellë vlerat e tyre te brezat e rinj, duke e kthyer Shkodrën në një pikëtakim të rëndësishëm të kulturës shqiptare./ CNA

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)





Lajmet e fundit nga