E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Viti i ri shkollor/ 300 nxënës më pak në shkollat 9-vjeçare në Shkodër

3 Shtator 2025, 12:30, Qyteti im CNA

Viti i ri shkollor/ 300 nxënës më pak në shkollat

Rreth 300 nxënës më pak do të ulen në bankat e shkollës në sistemin arsimor 9-vjeçar në Shkodër.

Teksa na ndajnë vetëm 4 ditë nga nisja e vitit të ri shkollor, drejtorja e Zyrës Vendore të Arsimit në Shkodër, Brisela Kadia, foli për përgatitjet qe po bëhen, ku krahas ndërhyrjeve në godina dhe terrene sportive, nxënësit po pajisen me libra falas.

Viti i ri shkollor/ 300 nxënës më pak në shkollat

“Kemi shkollën 'Ndre Mjeda' të rikonstruktuar plotësisht me të gjitha funksionet. Vazhdojmë me rikonstruksionin e shkollës 'Kolë Idromeno'. Ka pasur ndërhyrje në të gjitha shkollat e tjera, kryesisht në disa terrene sportive. Në këtë vit shkollor janë 87 institucione arsimore. Numri i regjistrimeve nuk është shumë i luhatshëm, 11 mijë regjistrime vitin e kaluar, ndërsa këtë vit 10800 regjistrime. Në arsimin privat aktualisht kemi 4140 nxënës, ndërsa vjet ishin 4225 nxënës. Kemi ende regjistrime të nxënësve që kthehen nga emigracioni apo të tjerë që kanë mbetur pa u regjistruar dhe mund të ndryshohet. Në klasat e para kemi mbi 800 nxënës, ndërsa në të 10-tat 700 afërsisht. Janë shifra që mund të ndryshohen për t'u dhënë mundësi të gjithë nxënësve që të ndjekin sistemin arsimor shqiptar”,-tha Kadia.

Kadia u shpreh se asnjë shkollë nuk do të mbyllet e po ashtu arsimtarët nuk preken nga shkurtime të mundshme, si shkak i uljes së nunërit të nxënësve.

Viti i ri shkollor/ 300 nxënës më pak në shkollat

“Nuk kemi shkolla që rrezikojnë të mbyllen. Nëse vendoset që një shkollë vartëse të mbyllet, do bëhet në bashkëpunim me komunitetin. Na pret një vit sfidues, siç është programi ‘after-school’ në një program më të avancuar se deri më tani. Është vit sfidues sepse duhet të ruajmë rezultatet që kemi pasur dhe për të ruajtur pritshmëritë që kemi dhe një sfidë është përdorimi i celularëve në shkolla”,-tha Kadia.

Të hënën, ashtu si në të gjithë vendin, edhe në Shkodër pritet të nisë mësimi në 87 institucione arsimore që janë pjesë e zyrës vendore arsimore./CNA