web counter
LEXO PA REKLAMA!

SHKARKO APP

App Store
Google Play

E fundit!

x

Inaugurohet shtatorja e Dom Mikel Beltojës/ Imzot Peragine: Ishte meshtari i fundit që u pushkatua nga regjimi i kohës

11 Gusht 2025, 19:23, Qyteti im CNA

Inaugurohet shtatorja e Dom Mikel Beltojës/ Imzot Peragine: Ishte meshtari

Në famullinë e Bërdicës në Shkodër, Kisha Katolike inaguroi shtatoren e Dom Mikel Beltojës, meshtari i fundit i pushkatuar nga regjimi komunist. Arqipeshkvi i Shkodrës, Giovani Peragine deklaroi se figura e Dom Mikel Beltojës është edhe sot një thirrje për guxim dhe për të marrë trashëgiminë e tij shpirtërore.

Inaugurohet shtatorja e Dom Mikel Beltojës/ Imzot Peragine: Ishte meshtari

“Jam vërtet shumë i gëzuar që jam i pranishëm në këtë bekim të kësaj statuje e cila sjell në vendlindje një prej figurave të mëdha të Kishes Katolike. Figura e Dom Mikelit me gjithë dëshminë e tij është një pasuri shumë e madhe historike e kombëtare. Edhe pas shpalljes së shtetit laik, ai nuk pushoi së kryeri misionin e tij meshtarak e po ashtu ka qenë meshtari i fundit i pushtuar nga regjimi komunist. Vendimin për tu bërë meshtar ai e mori pasi pa se si po pushkatoheshin meshtarët e tjerë. Dom Mikeli nuk i përket vetëm së shkuarës, por ai na flet edhe për të tashmen. Le të jetë vepra e tij frymëzim për të jetuar në fe dhe me besim për vepra të mira”,-tha Arkipeshkvi.

Inaugurohet shtatorja e Dom Mikel Beltojës/ Imzot Peragine: Ishte meshtari

“Qoftë i lëvduar Krishti, me këto fjalë me 10 gusht 1973 Dom Mikel Beltoja nisi hetimi ndaj tij, proces i cili do ta çonte drejt asgjësimit fizik dhe përjetësisë fizike. Lavdia shkruhet prej atyre që sakrifikojnë e nuk shikojnë interesin e tyre personal. Ai e refuzoi skllavërinë për të jetuar i lirë. Dashuria triumfon përherë mbi dhunën, liria mbi diktaturën. Është për të na kujtuar se liria, e vërteta dhe Zoti janë më të shenjta. Ndihem i privilegjuar që shërbej në një vend që Kishës e Shqipërisë i ka dhënë një përson si ai. Mirënjohjë banorëve të cilët janë në emigrim për ndihmën e suportin e dhënë. Faleminderit edhe atyre që ishin më të varfër, por që zgjodhën të hedhin një gur mbi këtë shtatore”,-tha Mark Pashkja, Famullitar i Bërdicë, Zëdhënës i Kishës Katolike.

Dom Mikel Beltoja lindi në vitin 1935 në fshatin Beltojë ndërsa më 19 prill 1973 u arrestua dhe kaloi 6 muaj mes torturave në hetuesi. Edhe në gjyq i qëndroi fesë dhe besimit dhe i doli hapur kundër diktaturës. Më 10 shkurt të 1974, kur ishte 29 vjeç u pushkatua pasi gjykata komuniste ia ktheu dënimit nga 7 vite në dënim me vdekje. Dom Mikel Beltoja është një prej 37 martirëve katolikë shqiptarë të shpallur të Lumë nga Vatikani në 2016./CNA





Lajmet e fundit nga