web counter
LEXO PA REKLAMA!

SHKARKO APP

App Store
Google Play

E fundit!

x

Biçikleta në ujë/ Risi në Liqenin e Shkodrës, eksplorim përmes pedalimit

29 Gusht 2025, 16:05, Qyteti im CNA

Biçikleta në ujë/ Risi në Liqenin e Shkodrës,

Ky është Blerti Vejuka, i cili idenë e tij për të pedaluar mbi liqen e ka kthyer në realitet.

Nga mëngjesi deri në mbrëmje vonë, mbi sipërfaqen e liqenit shihen duke lëvizur biçikleta të veçanta që ofrojnë një mënyrë krejt ndryshe për ta shijuar peizazhin. Ky mjet tradicional shkodran është rikthyer me një risi, duke u bërë atraksioni më i ri turistik i qytetit.

"Kjo është pjesa tradicionale që Shkodra njihet, pra për biçikletat. Kjo bëri që ideja të vijë më bukur për të pasur pedalim mbi liqenin e Shkodrës, ndër liqenet më të mëdha edhe në Ballkan. Ata që kanë dashuri për biçikletat kur i kanë parë mbi liqen i kanë pëlqyer shumë. Turistët kanë mbetur të mahnitur sepse ishte një risi edhe për ta dhe shprehen se nuk e kanë parë askund këtë mekanizëm, biçikleta mbi ujë. Për ta realizuar këtë ide unë aplikova te skema e grantit për të rinj dhe dola fitues. Edhe gjatë rrugës deri në hapjen e biznesit kisha asistencë", tha administratori i “Biçikleta në ujë”, Blerti Vejuka.

 

Drejtoresha e Planifikimit Strategjik në Bashkinë Shkodër, Stela Mardusha, tha se ide të tilla e pasurojnë turizmin dhe jetën e qytetit.

 

"Po monitorojmë projektin 'Biçikleta në ujë', i cili u aplikua në kuadër të skemës së granteve në mbështetje të të rinjve. Projekti ka marrë drejtimin e duhur dhe po promovohet e kërkohet. Tashmë biçikleta ka dalë përtej qytetit duke qenë edhe në liqen”, tha Mardusha.

 

"Biçikleta në ujë" pret vizitorë çdo ditë ku nisja është nga Shiroka për të eksploruar më në thellësi liqenin përmes pedalimit./ CNA





Lajmet e fundit nga