E fundit!

15:23 Aktualitet

"Zona që ilustron më mirë çfarë është keq në Shqipëri"/ Malltezi publikon pamje nga vendgrumbullimi i plehrave në Elbasan

Jamarbër Malltezi, në Ditën Botërore të Mjedisit, ka vizit...

Lezhë, orare fikse për hedhjen e mbeturinave/ Bashkia paralajmëron masa ndëshkuese për shkelësit

19 Gusht 2025, 16:05, Qyteti im CNA

Lezhë, orare fikse për hedhjen e mbeturinave/ Bashkia

Bashkia Lezhë ka vendosur orare fikse për hedhjen e mbeturinave në kontinierë. Nga ora 19:00 deri në 21:00 për qytetaret dhe nga ora 20:00 deri në 22:00 për bizneset. Ky vendim i Bashkisë Lezhë i cili ka nisur zbatimin pak ditë më parë, vjen pas problematikave të përsëritura me papërgjegjshmërinë e qytetarëve dhe bizneseve, të cilët shpeshherë hedhin mbeturina jashtë orareve dhe vendeve të përcaktuara, duke shkaktuar ndotje të mjedisit.

“Janë evidentuar disa problematika ku një prej tyre është ndotja në qytet pa orar, pra mosrespektimi i orareve nga qytetarët, por edhe nga subjektet. Duke qenë se jemi edhe ne kulmin e sezonit veror ku fluksi është më i lartë, Bashkia Lezhë ka menduar një plan për të hedhur mbeturinat me orare, të ndara për qytetarët dhe për subjektet. Bashkia Lezhë ka punuar përmes strukturave të saj për të bërë të mundur daljen në terren dhe marrjen e firmave nga secili subjekt për të bërë të mundur hedhjen e mbeturinave me orar si dhe nxjerrjen e kontinierëve të secilit subjekt brenda orarit të caktuar”,-thotë Marku.

Për të monitoruar këtë proces janë vendosur edhe kamera sigurie pranë disa pikave problematike ku situata e menaxhimit të mbetjeve shpesh del jashtë kontrollit. Drejtori i Shërbimeve Publike, Jurgen Marku, thekson se ndotësit më të mëdhenj janë bizneset dhe paralajmëron se nuk do të ketë më tolerime ndaj shkelësve të ligjit të cilët do të përballen me masa ndëshkimore.

“Tek kontinierët janë vërejtur se ka shumë mbetje që hidhen jo në oraret e përcaktuara. Bashkia Lezhë ka bërë të mundur vendosjen e disa kamerave për të bërë të mundur gjetjen se kush janë ndotësit. Vendosja e këtyre kamerave ka sjellë një efiçencë të plotë dhe brenda 24 orëve janë evidentuar disa subjekte që ndotin këto mjedise. Rezulton se ndotjen e bëjnë subjektet dhe jo qytetarët. Subjektet janë njoftuar nga bashkia për vendosjen e kamerave dhe janë këshilluar për respektimin e orareve dhe rregullave nga bashkia. Disa subjekte që janë të përsëritura Bashkia Lezhë i ka sanksionuar. Bashkia Lezhë do të ketë zero tolerancë për këta ndotës që shkelin ligjin dhe rregullat e vendosura”,-shprehet Marku.

Çështja e pastrimit vijon të mbetet pjesë e ndjeshme veçanërisht gjatë sezonit turistik. Lezha synon të ketë një tjetër standard duke nisur nga disiplinimi i bizneseve dhe familjarëve./CNA