E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Velipoja, destinacioni i preferuar i pushuesve

24 Gusht 2025, 13:12, Qyteti im CNA

Plazhi i Velipojës edhe këtë fund gushti mbetet një nga zgjedhjet më të parapëlqyera për pushuesit vendas dhe të huaj. Hapësira e gjerë publike me 34 parcela në të gjithë vijën bregdetare dhe pastërtia e plazhit vlerësohen si dy nga arsyet kryesore pse turistët e zgjedhin Velipojën për të kaluar pushimet.Përveç kësaj, shërbimet e ofruara dhe mikpritja e zonës e forcojnë më tej imazhin e Velipojës si një destinacion turistik në rritje.

“Është hera e dytë që vij në Velipojë, kam qenë edhe në qershor ndërsa për herë të parë kam qenë në 2019 dhe prej atëherë ka përmirësim. Është zhvilluar Velipoja më shumë dhe duhet me ardh në Velipojë sepse është një plazh ku kalohet mirë”.

“Jam në ditën e dytë të pushimeve dhe kemi zgjedhur plazhin publik sepse është shumë mirë dhe po më pëlqen. Ndoshta është për herë të parë që hapësirat publike janë ndarë në këtë mënyrë. Po më pëlqen se ka hapësirs të mëdhaja Velipoja por edhe këto hapësirat publike po ashtu edhe njerëzit janë mikëpritës”.

“Velipoja një plazh shumë i mirë”.

“Këtu shumë mirë është dhe vijmë me kënaqësi. Për herë të parë kam ardhur në vitin 2009 dhe rregullisht vij plr çdo vit. Atëherë kur kam ardhur unë kishte kafshë shumë në 2009 tani ka shumë përmirësim. Plazhi është shumë i mirë se ndryshe nul do të kisha ardhur”.

“Velipoja ka pastërti shumë, gjjtha të mirat i ka. Më kujtohet kur kam ardhur në fillim nuk kishe vend për të ndenjur se kanë qenë ato kioskat ndërsa tani është shumë bukur dhe ju uroj të gjithëve pushime të mbara”.

“Velipoja është një plazh fantazi. Shuml i mirë”

Me rritjen e fluksit të vizitorëve çdo verë, Velipoja po konsolidohet gjithnjë e më shumë si një ndër plazhet më të frekuentuara të bregdetit shqiptar. Gjatë fundjavës numri i pushuesve në plazhin e Velipojës përllogaritet mbi 100 mijë persona. Kryesisht ata që e frekuentojnë më shumë janë shqiptarët e Kosovës./ CNA