web counter
LEXO PA REKLAMA!

SHKARKO APP

App Store
Google Play

Universiteti i Shkodrës mes mbeturinash/ Bashkia dhe Rektorati nisin aksion pastrimi

24 Shtator 2025, 14:50, Qyteti im CNA

Universiteti i Shkodrës mes mbeturinash/ Bashkia dhe Rektorati nisin aksion

Një realitet i papërshtatshëm për një institucion të dijes, i cili tashmë do t’i përkasë së shkuarës.  Hekurishte dhe objekte të braktisura, që prej vitesh kishin pushtuar ambientet e Universitetit të Shkodrës, duke i hequr funksionalitetin dhe dinjitetin, do të largohen përfundimisht.

Në prag të nisjes së vitit të ri akademik, Kryetari i Bashkisë Shkodër, Benet Beci dhe Rektori i Universitetit Tonin Gjuraj, kanë ndërmarrë një plan konkret për pastrimin dhe sistemimin e këtyre hapësirave, me synimin që ato të shndërrohen në ambiente funksionale për studim, aktivitete akademike dhe jetën e përditshme të studentëve.

“Imagjino të vish në Fakultet e të gjesh edhe këtu varrezë makinash, varrezë makinash brenda fakultetit, varrezë makinash në mes të qytetit, pra i bie i gjithë qyteti me mure, hekura, varreza makinash. Pra, arsyeja që erdhëm është që të shohim para përmes investimeve, të pastrojmë vendin nga këto rraqet që janë në Universitet. Këtë se kisha menduar që të ishte Universiteti i mbushur me rraqe”,-tha Beci.

Ky proces pritet të rikthejë normalitetin në një nga institucionet më të rëndësishme të arsimit të lartë në vend, duke i dhënë jo vetëm Universitetit, por edhe qytetit të Shkodrës një hapësirë dinjitoze, në funksion të dijes dhe zhvillimit.

Ndërhyrja është pjesë e angazhimit të Bashkisë për të mbështetur Universitetin dhe për ta shndërruar atë në një qendër moderne studimi, duke reflektuar rolin historik e akademik në formimin e brezave të rinj./CNA





Lajmet e fundit nga