E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Botohet manuali “Guida turistike e Qarkut Shkodër”/ Jo vetëm një material, por një pasuri për qytetarët

17 Shtator 2025, 16:11, Qyteti im CNA

Botohet manuali “Guida turistike e Qarkut Shkodër”/ Jo

"Guida turistike e Qarkut Shkodër” është manuali i cili do u vijë në ndihmë ekspertëve, studentëve, institucioneve e veçanërisht turistëve, duke u kthyer kështu në një hap të rëndësishëm për zhvillimin e turizmit dhe promovimin e pasurive natyrore dhe kulturore të Qarkut Shkodër. Një botim që fton çdo vizitor dhe qytetar të njohë më thellë bukuritë dhe historinë e këtij rajoni të pasur me tradita dhe vlera unike.

“Ky botim nuk është thjeshtë një listë vendesh për tu vizituar, por një ftesë për të zbuluar bukuritë e kësaj treve. Qarku Shkodër përfshin më shumë se qytet, por histori të gjalla në 5 bashki. Nga alpet e deri në liqenin e kaltër, Qarku Shkodër është një mozaik. Me këtë guidë kemi synuar të japim informacion të saktë për çdo turist vendas e të huaj”,-tha Edmond Ndou, Kryetar i këshillit të qarkut Shkodër.

Botohet manuali “Guida turistike e Qarkut Shkodër”/ Jo

E pranishme në këtë aktivitet, deputetja e qarkut Shkodër Xhenis Çela, e cilësoi këtë botim një kontribut më shumë për turizmin dhe sfidat që ai ka përpara, garantoi se për Shkodrën do të jetë gjithmonë një zë në Kuvendin e Shqipërisë, që mbështet këtë sektor dhe zhvillimin e gjithëanshëm të tij.

“Ky botim nuk është vetëm material, por një pasuri për Shkodrën. Rritja e vizitorëve vit pas viti e dëshmon rëndësinë e qytetit. Si përfaqësuese në Kuvend, mbetem e angazhuar që turizmi të mbështetet në politika të qarta dhe të qëndrueshme, në mënyrë që pasuritë tona të ruhen dhe zhvillohen e të kthehen në burim të ardhurash”,-tha Xhenis Çela, deputete e PS-së, Qarku Shkodër.

Rektori i Universitetit “Luigj Gurakuqi”, Tonin Gjuraj tha se turizmi duhet të bashkojë ekspertë dhe pushtetin pa dallime politike.

“Vlerësoj lart qasjen dhe lidershipin e këshillit të qarkut sëpse ka patur një qasje përbashkuese, duke kaluar spektrin politik. Binomi pushtet vendor- universiteti duhet të jetë i afërt dhe mbetemi të angazhuar, ndaj u bëj thirrje edhe kolegëve të mi të turizmit që të jenë sa më pranë territorit tonë në aspektin turistik”,-tha Gjuraj.

"Guida e Qarkut Shkodër", është një thirrje për të zbuluar, për të investuar dhe për të kontribuar në forcimin e Shkodrës si një destinacion turistik./CNA