web counter
LEXO PA REKLAMA!

SHKARKO APP

App Store
Google Play

E fundit!

x

“Dita e hapur e padel board”/ Xhafa: Synojmë tërheqjen e vizitorëve vendas

21 Shtator 2025, 15:04, Qyteti im CNA

“Dita e hapur e padel board”/ Xhafa: Synojmë tërheqjen e

Kjo fundjavë ka shënuar nisjen e një inisiative të re në brigjet e liqenit të Shkodrës, “Dita e hapur e Padel Board”. Një nismë që synon të afrojë fëmijët dhe të rinjtë me bukuritë e liqenit më të madh në Ballkan.

Ky aktivitet u mirëprit nga pjesëmarrësit, të cilët përveç argëtimit, patën mundësinë të mësojnë një sport të ri dhe një mënyrë të veçantë për të eksploruar pasuritë natyrore të Shkodrës.

“Drini Time, në bashkëpunim me agjensinë e mbikqyrjes së shpendve dhe Bashkinë Shkodër kanë marrë këtë iniciativë që të bëjnë një ditë të hapur në Liqen me mjete ekologjike si padel, në mënyrë që të rinjtë por edhe pjesa tjetër të ketë mundësi për nje sport i cili në të gjithë botën është i përhapur. Ka nisur edhe në vendin tonë por jo në ato nivele që ne synojmë. Kështu që ne bashkë me një grup të vogël planifikojmë që një aktivitet të tillë ta realizojmë 1 po 2 herë në vit”, u shpreh Drini Xhafa.

 

Organizatorët theksuan se kjo është vetëm një hap i parë drejt krijimit të traditës së aktiviteteve të ngjashme, që jo vetëm promovojnë sportin, por edhe ndërgjegjësojnë për vlerën e ruajtjes dhe shfrytëzimit të qëndrueshëm të Liqenit të Shkodrës. Ndërkohë që sa i takon interesit të turistëve për të eksploruar liqenin ai u shpreh se interesi më i madh është nga të huajt.

“Liqeni i Shkodrës është një destinacion që të huajt e eksplorojnë më shumë sesa turistët shqiptarë. Kjo është një paradoks dhe ne duam që me iniciativa të tilla ne ta kthejmë në të kundërtën që edhe turistët shqiptar ta frekuentojnë në mënyrë ekologjike”, tha njëri nga organizatorët.

 

Tashmë liqeni i Shkodrës dhe lumi Buna mund të eksplorohen duke pasur mundësi për sporte ujore./CNA





Lajmet e fundit nga