web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhje të reja në Himarë?/ Dule: Rama i painformuar, Beleri s'ikën edhe po kaluan afatet e betimit

6 Shtator 2023, 21:10, Politikë CNA
Zgjedhje të reja në Himarë?/ Dule: Rama i painformuar, Beleri
Kryetari i PBDNJ-së, Vangjel Dule

Teksa kanë përfundojnë afatet për betimin e kryebashkiakut të zgjedhur të Himarës, Fredi Belerin, kryeministri Edi Rama tha se ligji parashikon mbajtjen e zgjedhjeve të reja, por theksoi se i ka kërkuar qeverisë greke që të japë opinionin e saj në lidhje me këtë çështje.

Këtë deklaratë e ka komentuar mbrëmjen e sotme kryetari i PBDNJ-së, Vangjel Dule.

Ai tha se Rama nuk është i informuar mirë, pasi pretendon se shkarkimi i kryebashkiakut pas afatit të 90 ditëve ndodh vetëm nëse kryebashkiaku i zgjedhur nuk e kryen betimin në mënyrë të vullnetshme.

Sipas tij, në rastin e Fredi Belerit, betimi po pengohet nga vetë kryeministri.

“Zoti Rama më vjen shumë keq do ta them sërish është në krye të një vendi, të një qeverie dhe nuk ka as përgjegjshmërinë minimale që të jetë i informuar, por improvizon.

Ligji thotë se nëse nuk kryhet betimi, por prezumon në mënyrë të vullnetshme, shkarkimi mund të ndodhë edhe më shpejt. Beleri në këtë rast, nuk është se nuk ka dëshirë të kryejë betimin, i është ndaluar e drejta themelore e votës ”, u shpreh ai.

Kreu i PBDNJ-së argumentoi se përse mendon që e drejta e Belerit po kryhet nga Rama dhe jo mnga drejtësia.

“Të gjithë mund të jenë të dyshuar për gjithçka dhe zotit Beleri Ii privohet e drejta. Pse instistojmë që është peng i Edi Ramës dhe jo i drejtësisë. Sepse që në moment duhet ta dimë nga kush organizohet betimi i kryebashkiakut dhe kush e ka përgjegjësinë. Kjo e drejtë i takon sekretarit të bashkisë, dhe nëse kalohen afatet, i kalon prefektit”, theksoi Dule./ CNA





Lajmet e fundit nga