web counter
LEXO PA REKLAMA!

SHKARKO APP

App Store
Google Play

E fundit!

x

"Territorialja" në Shkodër/ Mazniku: Të ndërtojmë sistem efektiv të pushtetit vendor për t'u shërbyer qytetarëve

15 Maj 2026, 17:43, Politikë CNA

Bashkëdrejtuesi i Komisionit për Reformën Territoriale, Arbjan Mazniku deklaroi sot nga Shkodra, ku po zhvillohet dëgjesa e radhës publike, se pritshmëritë nga kjo reformë synojnë në fokusohen te mirëqeverisja dhe shërbimet vendore.

Në fjalën e tij, Mazniku u shpreh se të pasurit të bashkive funksionale, nuk është element që lidhet vetëm me institucionin, por me jetën e përditshme të qytetarëve. 

Siç theksoi socialisti, Shqipërisë në këtë moment në rrugën drejt integrimit europian i nevojitet zhvillim i qëndrueshëm, përmes ndërtimit të një sistemi vendor që qeveris në mënyrë eficiente.

 “Përditshmëria e jetës së njeriut është e lidhur me punët e bashkisë. Rruga për në shkollë, uji për t’u larë, mbetjet e qytetit, strehimi e deri te menaxhimi i varrezave. Prandaj kur flasim sesi duhet të funksionojnë bashkitë, jemi duke folur për një element që prek në mënyrë të përditshme jetën e çdo njeriu në Shqipëri. Ndaj edhe të pasurit të bashkive funksionale, nuk është element që lidhet vetëm me institucionin, por me jetën e përditshme. Na duhet të mos kemi disa zona që zhvillohen shumë dhe disa zona që nuk ia dalin të zhvillohen. Mund t’ia dalim të kemi zhvillim më të qëndrueshëm. Duhet të ndërtojmë një sistem të pushtetit vendor, që ia del të qeverisë në mënyrë eficiente qytetarët e vet në territor, t’i ofrojë shërbime dhe të shpërndajë mirëqenie në të gjithë territorin”,-tha Mazniku./CNA





Lajmet e fundit nga