web counter
LEXO PA REKLAMA!

SHKARKO APP

App Store
Google Play

“Rama është arrogant”/ Artan Hoxha: Nuk shkojmë dot në BE vetëm me qeverinë, duhet edhe opozita

14 Maj 2026, 22:46, Politikë CNA

“Rama është arrogant”/ Artan Hoxha: Nuk shkojmë dot

Gazetari Artan Hoxha akuzoi sot kryeministrin Edi Rama për arrogancë, pasi mungoi në seancën e sotme në Kuvend gjatë miratimit të Rezolutës për Integrimin.

I ftuar në “Syri Tv”, Hoxha u shpreh se pavarësisht se kjo rezolutë nuk ka fuqi kushtetuese mbi qeverinë, por thjesht kërkesa të paracaktuara, është si një dritë shprese.

Siç theksoi gazetari, bashkimi i mazhorancës dhe opozitës është pozitiv jo vetëm për dy partitë e mëdha, por edhe për Shqipërinë.

“Me ç’lexojmë nga rezoluta, lum si ne! Por me ç’shikojmë në realitet, mjerë në! Rezoluta nuk ka fuqi kushtetuese mbi qeverinë, pra nuk e detyron atë të zbatojë këto kërkesa të përcaktuara qartë në rezolutë. Dhe nuk ka fuqi legjislative, pra nuk e detyron dot qeverinë. Madje kryeministri është aq arrogant, sa as nuk denjon të vijë aty. Në pamje të parë, me situatën e tensionuar që kemi ne, me protestat që vazhdojnë pafundësisht, përplasjet që janë gjithandej mes të dyja palëve, mazhorancës dhe opozitës, rezoluta do të ishte një dritë shprese. Më në fund, të dyja palët kanë vendosur ta dëgjojnë dhe respektojnë njëra-tjetrën, gjë që është në të mirë të vendit dhe integrimit. Nuk shkojmë dot në BE vetëm me qeverinë, por na duhet edhe opozita”,-tha Hoxha./CNA





Lajmet e fundit nga