web counter
LEXO PA REKLAMA!

SHKARKO APP

App Store
Google Play

Bashkimi PD-PS për projektrezolutën e integrimit/ Ish-deputeti: Mund të sjellë reduktim drastik të Parlamentit

14 Maj 2026, 22:13, Politikë CNA

Bashkimi PD-PS për projektrezolutën e integrimit/ Ish-deputeti: Mund

Ish-deputeti i Partisë Socialiste, Petro Koçi në një dalje televizive ka folur për miratimin e projektrezolutës së integrimit në BE.

Koçi tha se ajo që ka rëndësi në këtë “bashkim” PD-PS është se çfarë mund të sjellë një konsensus i tillë, duke deklaruar se mund të ketë një ripërsëritje të 21 prillit 2008.

Ish-deputeti u shpreh se ky konsensus mund të sjellë një reduktim drastik të Parlamentit, që nuk do ishte diçka shumë pozitive.

 

“Të gjithë e dimë që rezolutat parlamentare nuk është se nga pikëpamja kushtetuese kanë ndonjë rëndësi sipërore, por duhet marrë si një gjest pozitiv. Ndërsa, nga ana tjetër, sigurisht që është normale që të gjithë të kemi pikëpyetje lidhur me të ardhmen. Pra, çfarë mund të paralajmërojë konsensusi mes të dyja palëve? Sepse të gjithë do ta kishin frikë një “21 prill 2008” të ripërsëritur me Parlamentin, me numrin e deputetëve të Parlamentit. Sigurisht nga publiku mund të pritet pozitivisht, por nëse do të kemi një reduktim drastik dhe që shoqërohet edhe me një ligj zgjedhor problematik lidhur me mundësinë e futjes në Parlament të rrymave politike të reja, sigurisht që ky do të ishte një hap i rrezikshëm. Mendoj që një reduktim drastik i Parlamentit do të duhet të shoqërohet pastaj dhe me disa parametra të tjerë kushtetues që të mbajnë të paktën hapësirat kushtetuese të pluralizmit në nivele normale. Sepse një bipolaritet i paracaktuar në Kushtetutë nuk mendoj se është një gjë shumë pozitive”, tha Koçi./CNA





Lajmet e fundit nga