web counter
LEXO PA REKLAMA!

SHKARKO APP

App Store
Google Play

E fundit!

x

“Pa panik dhe spekulime”/ Ibrahimaj: Ndërhyrje te çmimet e karburanteve dhe transportit publik

14 Maj 2026, 18:23, Politikë CNA

“Pa panik dhe spekulime”/ Ibrahimaj: Ndërhyrje te çmimet

Ministrja e Ekonomisë dhe Inovacionit, Delina Ibrahimaj tha sot se ndryshimi në çmimet e karburanteve ka krijuar një zinxhir efektesh në jetën e përditshme të qytetarëve.

Në fjalën e saj në Kuvend, Ibrahimaj theksoi se kjo rritje çmimesh vjen si pasojë e situatës gjeopolitike në Lindjen e Mesme.

Më tej, ministrja u shpreh se qytetarët nuk duhet të bien pre e tentativave për panik dhe spekulim.

Ibrahimaj shtoi se Qeveria shqiptare ka përqëndruar fokusin e kësaj krize në ndërhyrjen ndaj çmimit të karburantit dhe transportit publik.

“Jo vetëm çmimet e karburanteve, por edhe të transportit, të ushqimeve, shërbimeve dhe kostove të jetesës ndikojnë në jetën e qytetarëve. Flasim për një zinxhir efektesh në jetën e përditshme. Detyra e qeverisë është të analizojë, veprojë me maturi, transparencë dhe me vendime që i shërbejnë interesit publik. Rritja e çmimit të karburanteve është pasojë e vendimeve gjeopolitike në Lindjen e Mesme. Jemi kujdesur që të monitorojmë rritjen e kostove, por edhe tentativat për panik dhe spekulim. Shqetësimi i parë ishte zinxhiri i furnizimit për të garantuar se nuk do të kishte mungesë në vend. Në krizën aktuale, ndërhyrja është përqëdruar te karburantet dhe transportit publik. Po kufizohet ndërhyrja për abuzim”,-tha Ibrahimaj./CNA

 





Lajmet e fundit nga